توقايەۆ ەل ىشىندە الاۋىزدىق تۋدىرۋ ارەكەتتەرىنە تويتارىس بەردى - اركادي دۋبنوۆ
استانا. KAZINFORM - بەلگىلى ساياساتتانۋشى، ورتالىق ازيا بويىنشا ساراپشى اركادي دۋبنوۆتىڭ پىكىرىنشە، قاسىم-جومارت توقايەۆتىڭ العا قويعان سىرتقى ساياسي مىندەتتەرى ەلدىڭ جاڭا مەنتاليتەت پەن جاڭا قۇندىلىقتاردى قالىپتاستىرۋدىڭ ۇزاق مەرزىمدى باعدارلاماسىن قالىپتاستىرادى.
پرەزيدەنت مەملەكەت قارۋلى قاقتىعىستاردى ديپلوماتيالىق جولمەن شەشۋگە باعىتتالعان بەيبىت جانە تەڭگەرىمدى سىرتقى ساياساتتى ۇستاناتىنىن ەرەكشە اتاپ ءوتتى.
دۋبنوۆ بۇل ۇستانىم ەلدىڭ ەۋرازيالىق ايماقتاعى تۇراقتىلىققا قارسى تۇرۋ جولى دەپ ەسەپتەيدى.
«وتە ماڭىزدى ءارى مۇقيات دايىندالعان جولداۋدىڭ ءتۇيىنى قازاقستاننىڭ سىرتقى ساياساتتا ەشكىمگە زيان تيگىزبەۋگە ۇمتىلاتىنىن، تەك تاتۋلىقتى قۇپتايتىنىن اڭعارتادى. بۇل - ينۆەستيتسيا مەن ەكونوميكالىق ىنتىماقتاستىق تۋرالى اڭگىمە»، - دەدى ساراپشى.
بۇل رەتتە ساياساتتانۋشى قاسىم-جومارت توقايەۆ قازاقستان ۇكىمەتىنىڭ ءىس- ارەكەتىن وتە تەرەڭ تالداپ، ۇندەۋىنىڭ باسىم بولىگىن ىشكى ماسەلەلەرگە ارناعانىن اتاپ ءوتتى. ول جولداۋدىڭ مۇنداي ماندە جالعاسۋى ەلدىڭ اكىمشىلىك قۇرىلىمىنداعى ۇلكەن شيەلەنىستى بىلدىرەتىنىنە سەنىمدى.
«قازىرگى قازاقستاننىڭ دامۋ پروبلەمالارى بار ەكونوميكاسى سىرتقى ساياسي دامۋ ۆەكتورىنىڭ باعىتىن ءبىرشاما از، ءبىراق انىق بەلگىلەيدى. مەنىڭ ويىمشا، سىرتقى ساياسي مىندەتتەردى بەلگىلەۋدىڭ ءوزى ەڭ الدىمەن ىشكى دامۋ مىندەتتەرىن قامتاماسىز ەتۋگە باعىتتالعان»، - دەدى ول.
سونداي- اق دۋبنوۆ توقايەۆ ءوز سوزىندە الەمدەگى بىردە- ءبىر ءىرى حالىقارالىق قاقتىعىستى اتاماعانىن، ول قاتىساتىن سامميتتەر مەن ۇيىمداردى ءتىزىپ وتكەنىن اتاپ ءوتتى. سونداي-اق، ول ەلدە ۇلتتىق مۇددەنىڭ قورعالۋىن، ءتۇرلى نەگىزدەگى قىسىمنىڭ جوقتىعىن ايتتى. ساياسات تانۋشى بۇدان قازاق قوعامىن جىككە ءبولۋ ارەكەتىن توقتاتۋ نيەتىن اڭعارعانىن ايتتى.
«ول قوعامدىق پىكىردى بۇرمالاپ، الاۋىزدىق تۋدىرۋعا تىرىساتىن بەيتاراپ تۇلعالاردىڭ، سونىڭ ىشىندە شەتەلدەن كەلگەندەردىڭ قازاقستان ىشىندە الاۋىزدىق تۋدىرۋ ارەكەتتەرىنە تويتارىس بەردى. دەمەك، بۇل وتە اشىق تۇسپال»، - دەپ اتاپ ءوتتى ساراپشى.
