توقايەۆ ءۇندىستاننىڭ پرەمەر- ءمينيسترى بولىپ قايتا سايلانعان نارەندرا ءموديدى قۇتتىقتادى

استانا. KAZINFORM - مەملەكەت باسشىسى ءۇندىستاننىڭ پرەمەر-ءمينيسترى نارەندرا موديگە قۇتتىقتاۋ جەدەلحاتىن جولدادى.

ақорда
Фото: Ақорда

پرەزيدەنت قاسىم-جومارت توقايەۆ نارەندرا ءموديدى ءۇندىستان رەسپۋبليكاسىنىڭ پرەمەر-ءمينيسترى بولىپ قايتا سايلانۋىمەن قۇتتىقتادى.

مەملەكەت باسشىسى وسىنداي اسا جوعارى لاۋازىمعا قايتا سايلانۋ نارەندرا موديدىڭ كورەگەن ساياساتىنا دەگەن ءۇندىستان حالقىنىڭ بەرىك سەنىمى مەن قولداۋىنىڭ دالەلى ەكەنىن اتاپ ءوتتى.

- ءسىزدىڭ دانا باسشىلىعىڭىزبەن ءۇندىستان ەكونوميكاسى ەڭ جىلدام دامىپ كەلە جاتقان ەلدەردىڭ ءبىرى رەتىندە ءوزىنىڭ تاڭقالارلىق جولىن جالعاستىرىپ، جاڭا جەتىستىكتەرگە جەتەتىنىنە سەنىمدىمىن. قازاقستان ۇندىستانمەن اراداعى ۇزاق جىلعى ستراتەگيالىق سەرىكتەستىكتى جوعارى باعالايدى. ەكى ەل ىنتىماقتاستىعى حالىقتارىمىزدىڭ بەرىك دوستىعىنا، ورتاق قۇندىلىقتارعا جانە تىعىز قارىم-قاتىناسقا نەگىزدەلگەن، - دەپ جازىلعان جەدەلحاتتا.

قاسىم-جومارت توقايەۆ نارەندرا موديدىڭ بارلىق يگى باستاماسىنا تابىس، ال دوستاس ءۇندىستان حالقىنا باق- بەرەكە تىلەدى.

سوڭعى جاڭالىقتار