توقايەۆ استانا حالىقارالىق فورۋمىنا قاتىسۋشىلارعا ريزاشىلىعىن ءبىلدىردى

استانا. KAZINFORM - مەملەكەت باسشىسى قاسىم-جومارت توقايەۆ استانا حالىقارالىق فورۋمىنا قاتىسۋشىلارعا ريزاشىلىعىن ءبىلدىردى.

- بارشاڭىزبەن استانا حالىقارالىق فورۋمىندا جۇزدەسكەنىمە قۋانىشتىمىن! بۇگىنگى باسقوسۋعا شەتەل ۇكىمەتتەرىنىڭ باسشىلارى، ديپلوماتيا، بيزنەس جانە اكادەميالىق ورتاداعى دوستارىمىز بەن ارىپتەستەرىمىز قاتىسىپ وتىر. مارتەبەلى مەيماندارىمىزعا، اتاپ ايتقاندا، رۋاندا پرەزيدەنتى پول كاگامەگە جانە سولتۇستىك ماكەدونيا پرەزيدەنتى گوردانا سيليانوۆسكا- داۆكوۆاعا، ەۋروپا كەڭەسىنىڭ باس حاتشىسى الەن بەرسەگە، ب ۇ ۇ- نىڭ بۇرىنعى باس حاتشىسى پان گي مۋنعا، بىرىككەن ۇلتتار ۇيىمى جۇيەسىنىڭ جەتەكشىلەرىنە، فورۋمنىڭ وزگە دە قاتىسۋشىلارىنا شىنايى ريزاشىلىعىمدى بىلدىرەمىن»، - دەدى ءىس-شارانى اشقان پرەزيدەنت.

مەملەكەت باسشىسى فورۋم اياسىندا جاھاندىق ەكونوميكا، وڭىرلىك ىنتىماقتاستىق جانە حالىقارالىق كۇن تارتىبىندەگى باسقا دا ماسەلەلەر جونىندە ناتيجەلى پىكىر الماسۋ بولادى دەپ ۇمىتتەنەتىندىگىن باسا ايتتى.