توم حەنكس: ترامپتىڭ اق ۇيگە ورالۋى - تراگەديا

استانا. KAZINFORM - اتاقتى گولليۆۋد اكتەرى توم حەنكس رەسپۋبليكاشىل دونالد ترامپتىڭ پرەزيدەنتتىك سايلاۋدا جەڭىسكە جەتۋىنە بايلانىستى ا ق ش- تان كەتىپ قالدى. بۇل تۋرالى The Direct حابارلادى.

بۇل تۋرالى اكتەردىڭ قوشتاسۋ حاتىندا ءوزى مويىنداعانى اتاپ وتىلگەن.

- مەن اۋىر جۇرەكپەن جانە ودان دا اۋىر چەمودانمەن حابارلايمىن: مەن ەلدەن رەسمي تۇردە كەتتىم، - دەپ جازعان اكتەر.

حەنكستىڭ ايتۋىنشا، ترامپتىڭ اق ۇيگە ورالۋى اكتەر ءۇشىن تراگەديا.

- سايلاۋ ناتيجەلەرىن كورگەندە مەن ءوز- وزىمە: «جۇگىر، فوررەست، جۇگىر!» دەدىم. مەن ءدال سولاي ىستەدىم، - دەپ قوستى ول ءوزى باستى ءرولدى سومداعان فيلمدەگى فوررەست گامپتى مەڭزەپ.

اكتەر جانكۇيەرلەرىن ا ق ش- تان ءبىرجولا كەتتى دەپ ويلاماۋعا شاقىرىپ، ترامپتىڭ پرەزيدەنتتىك مەرزىمى اياقتالعان سوڭ ەلگە ورالۋى مۇمكىن ەكەنىن ايتتى.

انىقتاما ءۇشىن، توماس دجەففري حەنكس - امەريكاندىق تەاتر، كينو، تەلەديدار اكتەرى، پروديۋسەر، كينورەجيسسەر، سەناريست جانە جازۋشى.

حەنكس ءوزىنىڭ اكتەرلىك مانسابىن تەلەديدارلىق جانە كومەديالىق فيلمدەردەگى رولدەردەن باستادى جانە فيلادەلفياداعى (1993) جانە فوررەست گامپتاعى (1994) باستى رولدەرى ءۇشىن «ۇزدىك ەر ادام ءرولى» نوميناتسياسىندا ەكى رەت وسكار سىيلىعىن جەڭىپ العان.

اۆتور
جاراسقان نۇرىبايەۆ