تولاسسىز جاۋعان جاڭبىر: قىتايدىڭ حانتسزيان وزەنىندە بيىل ەكىنشى رەت سۋ تاسىدى
استانا. KAZINFORM - قىتايدىڭ سۋ رەسۋرستارى مينيسترلىگى يانتسزى وزەنىنىڭ نەگىزگى سالاسى حانتسزيان وزەنى تولاسسىز جاۋعان جاڭبىردىڭ سالدارىنان بيىل ەكىنشى رەت سۋ تاسقىنىنا ۇشىرادى دەپ حابارلادى. بۇل تۋرالى شينحۋا اگەنتتىگى جازدى.
ۆەدومستۆونىڭ مالىمەتىنشە، وزەننىڭ جوعارعى جانە ورتا اعىسىندا ورنالاسقان دانتسزيانكوۋ سۋ قويماسىنا قۇيىلاتىن سۋ سەكۋندىنا 15 مىڭ تەكشە مەترگە جەتكەن.
حانتسزيان وزەنىنىڭ جوعارعى اعىسىندا سۋ دەڭگەيىنىڭ ۇزدىكسىز، تۇراقتى كوتەرىلۋى كۇتىلىپ وتىر. مەتەورولوگيالىق بولجامدار الداعى 10 كۇندە وزەن باسسەينىندە جاۋىن-شاشىننىڭ ەكى ماڭىزدى كەزەڭىن بولجايدى.
سوڭعى كۇندەرى سۋ رەسۋرستارى مينيسترلىگى جاعدايدى ءجىتى قاداعالاپ وتىر.
ايتا كەتەيىك، بۇعان دەيىن تۇركيانىڭ وڭىرلەرى ەكى بىردەي تابيعي اپاتپەن ءبىر ۋاقىتتا كۇرەسىپ جاتقانىن جازعان ەدىك.
