توكيودا تايفۋنعا بايلانىستى جۇزدەگەن اۋە رەيسى توقتاتىلدى

رەيستەردىڭ باسىم بولىگى حانەدا اۋەجايىندا توقتاتىلعان. مۇندا 280 نەن استام ىشكى جانە شامامەن 60 حالىقارالىق رەيس كەيىنگە قالدىرىلدى. ال ناريتا اۋەجايىندا 100 دەن استام رەيس، نەگىزىنەن حالىقارالىق باعىتتار بويىنشا توقتاتىلعان.

قازىر تايفۋننىڭ ەپيتسەنترى حونسيۋ ارالىنىڭ تىنىق مۇحيتى جاعالاۋىنىڭ ورتالىق بولىگىنەن وڭتۇستىكتە ورنالاسقان. ول ساعاتىنا شامامەن 25 شاقىرىم جىلدامدىقپەن سولتۇستىك-شىعىس باعىتتا جىلجىپ كەلەدى. سينوپتيكتەردىڭ بولجاۋىنشا، تايفۋن دۇيسەنبى كۇنى تۇستەن كەيىن يدزۋ تۇبەگىنە، ودان كەيىن توكيو ايماعىنا جەتەدى.

ماماندار نوسەر جاڭبىر، وزەندەردىڭ ارناسىنان تاسۋ جانە كوشكىن قاۋپى بار ەكەنىن ەسكەرتتى. تۇرعىندارعا قاجەت بولماسا، سىرتقا شىقپاۋعا كەڭەس بەرىلدى. توكيوعا ىرگەلەس تيبا پرەفەكتۋراسىنىڭ كەيبىر اۋداندارىندا تۇرعىندارعا قاۋىپسىز جەرگە ەۆاكۋاتسيالانۋ جونىندە نۇسقاۋ بەرىلدى.

Egemen.kz