توكيودا جاۋىن-شاشىننىڭ تاريحي رەكوردى تىركەلدى
استانا. KAZINFORM - توكيونىڭ ورتالىق بولىگىندە جاڭبىر 34 كۇن قاتارىنان جاۋدى. بۇل - مەتەورولوگيالىق باقىلاۋ تاريحىنداعى ەڭ ۇزاق جاۋىن-شاشىن كەزەڭى، دەپ حابارلايدى Kyodo.
جاپونيانىڭ مەتەورولوگيالىق اگەنتتىگىنىڭ مالىمەتىنشە، توكيوداعى جاۋىن-شاشىن 27-تامىزدان بەرى تولاستاماعان. بۇعان ايماققا جاقىنداعان تايفۋن، سوزىلمالى كۇزگى جاڭبىرلى اعىم جانە تومەن قىسىمدى ايماق اسەر ەتكەن.
2019 -جىلى جاڭبىر 33 كۇن قاتارىنان جاۋىپ، ەڭ ۇزاق جاۋىن-شاشىن كەزەڭى رەتىندە تىركەلگەن ەدى.
سەيسەنبى كۇنى جاپونيانىڭ شىعىسى مەن باتىسىندا دا نوسەر جاڭبىر جاۋدى.
بولجام بويىنشا، كۇزگى جاڭبىرلى اعىمنىڭ ىقپالى ساقتالىپ، ەلدىڭ شىعىس وڭىرلەرىندە جاۋىن-شاشىن بەيسەنبىگە دەيىن جالعاسادى.
بۇعان دەيىن جاپونيادا تايفۋننان 12 ادام قازا تاۋىپ، تاعى ءۇش ادام ءىز-ءتۇزسىز جوعالعانى حابارلانعان بولاتىن.
