10:42, 28 - مامىر 2020 | GMT +5
Twitter ترامپتىڭ جازباسىنا قاتىستى ەسكەرتپە جاسادى
نۇر-سۇلتان.قازاقپارات - الەۋمەتتىك جەلىسى العاش رەت ا ق ش پرەزيدەنتى دونالد ترامپتىڭ جازبالارى شىندىققا جاناسپاۋى مۇمكىن ەكەنىن ەسكەرتتى، دەپ حابارلايدى «حابار 24».
وعان ترامپتىڭ پوشتا ارقىلى داۋىس بەرۋ سايلاۋ ناتيجەسىن بۇرمالاۋعا اكەلەدى دەپ جازۋى سەبەپ بولدى. وسىدان كەيىن Twitter پرەزيدەنت جازباسىنىڭ 2 جەرىندە مالىمدەمەنى تەكسەرۋ كەرەكتىگىن بىلدىرەتىن كوك تۇسپەن لەپ بەلگىسىن قويعان. ال ترامپ ىلە- شالا Twitter الەۋمەتتىك جەلىسى پرەزيدەنتتىك سايلاۋعا ارالاسىپ جاتىر دەپ ايىپتادى.
ا ق ش پرەزيدەنتىنىڭ پوشتا ارقىلى داۋىس بەرۋگە قاتىستى مالىمدەمە جاساۋىنا كاليفورنيا شتاتىنىڭ گۋبەرناتورى، دەموكرات گيەۆين نيۋسومنىڭ ۇسىنىسى تۇرتكى بولعان. ول بيىلعى پرەزيدەنتتىك سايلاۋ كەزىندە سايلاۋشىلاردىڭ پوشتا ارقىلى داۋىس بەرۋ جاعىن دا قاراستىرۋ كەرەكتىگىن ايتقان ەدى.
