توپ-100 ستۋدەنت: ۇزدىك كوللەدج ستۋدەنتتەرى تۋرالى ەلەكتروندىق جۋرنال جارىق كوردى
استانا. KAZINFORM - وقۋ-اعارتۋ مينيسترلىگىنە قاراستى «Talap» كەاق كوللەدجدەردىڭ «توپ-100 ستۋدەنتى» رەسپۋبليكالىق بايقاۋىنىڭ قورىتىندىسى بويىنشا ەلەكتروندىق جۋرنال جاسادى.
- ەلەكتروندىق جۋرنالدا بايقاۋدىڭ ماقساتى مەن مىندەتتەرى، ۇيىمداستىرۋشى، وپەراتور، سەرىكتەستەرى مەن قاتىسۋشىلارى اقپارات جيناقتالعان. اسىرەسە ەلىمىزدىڭ 100 ۇزدىك كوللەدج ستۋدەنتى تۋرالى مالىمەتتەرگە ەرەكشە نازار اۋدارىلعان. جۋرنالدا ولاردىڭ اتى-ءجونى، وقۋ ورنى، ماماندىعى، ىرىكتەۋ پرينتسيپتەرى، جەتىستىكتەرى، قوعامدىق بەلسەندىلىگى، سونداي-اق جوبالاردى ىسكە اسىرۋ ناتيجەلەرى - جۇمىسقا ورنالاسۋى، ترەنينگتەر مەن كاسىبي دامۋ باعدارلامالارىنا قاتىسۋى تۋرالى اقپاراتتار قامتىلعان، - دەپ اتاپ ءوتتى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۇحامبەتوۆ.
ەلەكتروندىق جۋرنال «Talap» ك ە ا ق-نىڭ www.talap.edu.kz رەسمي سايتىندا جاريالانىپ، ستۋدەنتتەرگە، وقىتۋشىلارعا، كوللەدج وكىلدەرى مەن جۇمىس بەرۋشىلەرگە قولجەتىمدى بولادى.
ايتا كەتەيىك، وقۋ-اعارتۋ مينيسترلىگى وسى جىلدىڭ ناۋرىز ايىندا تەحنيكالىق جانە كاسىپتىك ءبىلىم بەرۋ ۇيىمدارى اراسىندا «توپ-100 ستۋدەنت» رەسپۋبليكالىق بايقاۋىنىڭ باستالعانىن جاريالاعان بولاتىن.
بايقاۋدىڭ ماقساتى - تەحنيكالىق جانە كاسىپتىك ءبىلىم بەرۋ جۇيەسىندەگى دارىندى ءارى بولاشاعى زور ستۋدەنتتەردى انىقتاۋ جانە قولداۋ.
