تەسلا اۆتوپيلوت اقاۋىنا بايلانىستى 2 ميلليون كولىگىن كەرى قايتارىپ جاتىر
يلون ماسكتىڭ Tesla كومپانياسى امەريكالىق رەتتەۋشى كومپانيا كولىكتەرىنىڭ اۆتوماتتى باسقارۋ جۇيەسىندەگى قاۋىپتى اقاۋلاردى انىقتاعاننان كەيىن ەكى ميلليوننان استام ەلەكتر كولىگىن كەرى قايتارىپ جاتىر. Kazinform بۇل تۋرالى BBC جاڭالىقتارىنا سىلتەمە جاساپ حاباردايدى.
بۇعان اۆتوپيلوت قوسۋلى كەزىندە كولىكتەردە بولعان اپاتتارعا قاتىستى ەكى جىلدىق تەرگەۋ سەبەپ بولدى.
كەرى قايتارۋ 2015 -جىلدان بەرى ا ق ش-تا ساتىلعان، اۆتوپيلوتپەن جابدىقتالعان بارلىق Tesla كولىكتەرىنە قاتىستى.
بۇل - Tesla كولىكتەرىنىڭ بيىلدىققا ەكىنشى رەت كەرى قايتارىلۋى.
يەلەرىنە كولىكتەرىن ساتۋ جانە قىزمەت كورسەتۋ ورتالىقتارىنا اپارۋدىڭ قاجەتى جوق: كومپانيا باعدارلامالىق قامتاماسىز ەتۋ ءۇشىن قاجەتتى ميكروباعدارلامانى ينتەرنەت ارقىلى تىكەلەي ەلەكتر كولىكتەرىنىڭ بورتتىق كومپيۋتەرلەرىنە جىبەرەتىنىن ايتتى.
الايدا، بۇل ءبارىبىر رەسمي تۇردە كەرى قايتارۋ بولىپ سانالادى.
