تۇرىكتەر قيىن كەزدە پانا بولعان قازاقى كيىز ۇيدەن كوشكىسى جوق
كاحرامانماراش. KAZINFORM - قازاقپاراتتىڭ تۇركياداعى مەنشىكتى ءتىلشىسى اقجىگىت چۋكۋبايەۆ ءبىر جىل بۇرىن جويقىن جەر سىلكىنىسىنەن زارداپ شەككەن قالالارعا باردى. كاحرامانماراش قالالىق اكىمدىگىندە وتكەن بريفينگتە قالا باسشىسى قازاقستان ءبىر جىل بۇرىن تابيعي اپاتتان زارداپ شەككەندەرگە كومەك رەتىندە جىبەرگەن قازاق كيىز ۇيلەرى تۇرىكتەرگە قانشالىقتى ۇناعانىن ايتىپ بەردى.
- كيىز ۇيلەردى ءالى كۇنگە دەيىن بۇزبادىق. شاتىرى مەن جابىندارىن الىپ تاستادىق، ءبىراق كيىز ۇيلەردى بۇزا المادىق. قيىن كەزدە پانا بولعان بۇل ۇيلەرگە حالىق وتە ريزا. ولار قۇرالمالى كونتەينەرگە كوشكىسى كەلمەي وتىر. كيىز ۇيلەر ءالى تۇر. وندا ادامدار تۇرىپ جاتىر، بالالار وقىپ جاتىر، - دەدى تۇركيانىڭ كاحرامانماراش پروۆينتسياسىنىڭ گۋبەرناتورى ميۋكەررەم يۋنليۋەر قازاقپارات تىلشىسىنە.
ەستەرىڭىزگە سالا كەتەيىك، وتكەن جىلدىڭ اقپان ايىندا قازاقستاندىقتار تۇركياداعى جەر سىلكىنىسىنەن زارداپ شەككەندەرگە كيىز ءۇي ساتىپ الۋ ءۇشىن 18 ميلليون تەڭگە جيناپ، باس-اياعى 100 كيىز ءۇي جونەلتكەن ەدى.
