12:16, 17 - اقپان 2024 | GMT +5
تۇرىكمەنستاندا قازاقستاننىڭ مادەني كۇندەرى وتەدى
استانا. KAZINFORM - ق ر مادەنيەت جانە اقپارات ۆيتسە-ءمينيسترى ەربول ءالىقۇلوۆ تۇرىكمەنستاننىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى باتىر رەدجەپپەن كەزدەستى. بۇل تۋرالى اتالعان مينيسترلىكتىڭ باسپا ءسوز قىزمەتى جازدى.
ەكى جاق ماۋسىم ايىندا قازاقستاندا وتەتىن تۇرىكمەنستاننىڭ مادەني كۇندەرى مەن وسى جىلى قازان ايىندا جوسپارلانعان تۇرىكمەنستانداعى قازاقستاننىڭ مادەنيەت كۇندەرىنە دايىندىق بارىسىن تالقىلادى.
اشحابادتا ونەر كورمەسى جانە قازاق كينوسىنىڭ كۇندەرى وتكىزىلىپ، وتاندىق ارتىستەر مەن شىعارماشىلىق ۇجىمداردىڭ قاتىسۋىمەن كونسەرتتىك باعدارلاما ۇسىنىلادى.
