تۇرىك قارۋلى كۇشتەرى ءبىر اپتادا 63 لاڭكەستىڭ كوزىن جويدى
استانا. KAZINFORM - تۇركيا قارۋلى كۇشتەرى سوڭعى اپتادا يراك پەن سيريانىڭ سولتۇستىگىندەگى تەرروريزمگە قارسى وپەراتسيالاردى قوسا العاندا 63 لاڭكەستىڭ كوزىن جويدى، دەپ حابارلايدى انادولى اقپارات اگەنتتىگى.
بۇل تۋرالى بريفينگتە تۇركيا ۇلتتىق قورعانىس مينيسترلىگىنىڭ باسپا ءسوز كەڭەسشىسى كونتر-ادميرال زەكي اقتۇرىك مالىمدەدى.
ونىڭ ايتۋىنشا، تۇرىك اسكەرىنىڭ 2023-جىلدىڭ 1- قاڭتارىنان باستاپ ولتىرگەن لاڭكەستەرىنىڭ جالپى سانى 2541 گە جەتتى.
سيريادا سوڭعى اپتادا 42 لاڭكەس ءولتىرىلدى. اراب رەسپۋبليكاسىندا وتكەن جىلدىڭ باسىنان بەرى تۇرىك قارۋلى كۇشتەرى 1704 تەرروريستىڭ كوزىن جويدى.
سونداي-اق، جىل باسىنان بەرى تۇرىك شەكاراشىلارى تۇركيا شەكاراسىن زاڭسىز كەسىپ وتپەك بولعان 686 ادامدى ۇستادى.
بۇعان دەيىن حابارلاعانىمىزداي، قازاقستان ءى ءى م قىزمەتكەرلەرى تۇرىك ارىپتەستەرىمەن بىرلەسىپ جىل باسىنان بەرى تۇركيادا الاياقتىق، ءىرى ۇرلىق جانە قارجى پيراميداسىن قۇرعانى ءۇشىن ىزدەۋدە بولعان سەگىز قىلمىسكەردى ۇستادى.
