تۇرىك ليراسىنىڭ قۇنى ءتۇسىپ بارادى

استانا. KAZINFORM - تۇركيانىڭ ۇلتتىق ۆاليۋتاسى ا ق ش دوللارىمەن سالىستىرعاندا تەرىس رەكوردىن جاڭارتىپ، ءالى قۇلدىراۋ ۇستىندە، دەپ حابارلايدى Kazinform ءتىلشىسى.

лира
Фото: Anadolu ajansı

USD/TRY باعامى بويىنشا العاش رەت 1 دوللاردىڭ قۇنى 36 ليراعا جاقىندادى. بۇل ينفلياتسيانىڭ ءوسۋى مەن قارجىلىق ماسەلەلەردىڭ سالدارىنان تۋىنداعان تۇركياداعى قيىن ەكونوميكالىق جاعدايدىڭ تاعى ءبىر بەلگىسى بولدى.

دوللار، اپتا باسىندا الەمدىك نارىقتاردا جالپى ءوسىمدى كورسەتتى. قىتايدان، مەكسيكادان جانە كانادادان كەلەتىن تاۋارلارعا جاڭا تاريفتەرمەن ا ق ش دوللارىنىڭ يندەكسى ءۇش اپتاداعى ەڭ جوعارى 109,80 دەڭگەيىنە جەتتى، ءبىراق كوپ ۇزاماي 109,35 كە دەيىن تومەندەدى. دەگەنمەن، دوللار الەمدىك ارەنادا امەريكالىق ۆاليۋتانىڭ نىعايۋىنىڭ جالپى تەندەنتسياسىن قولداپ، ءبىر كۇندە شامامەن %1 عا ءوستى.

وسىنىڭ اياسىندا تۇرىك ليراسىنىڭ قۇلدىراۋى ەل ەكونوميكاسىنا قىسىم جاساپ وتىر. تۇركيانىڭ قور بيرجاسى دۇيسەنبى كۇنى تومەن باعامەن اياقتالدى، ەڭ ۇلكەن قۇلدىراۋ ەلەكتر ەنەرگياسى، حولدينگ جانە ينۆەستيتسيالىق كومپانيالار سياقتى سەكتورلاردا بايقالدى. ىستانبۇلدا ازايىپ بارا جاتقان اكسيالار سانى 475 بولدى، تەك 102 كومپانيا عانا ساۋدا كۇنىن پليۋسپەن اياقتادى.

ۆاليۋتا نارىعىندا USD/TRY كورسەتكىشى %0,71 عا كوتەرىلىپ، 35,95 كە جەتتى، ال ەۋرو تۇرىك ليراسىنا شاققاندا %0,30 عا كوتەرىلىپ، 1 ەۋرو ءۇشىن 37,10 دى قۇرادى.

بۇعان دەيىن تۇركيانىڭ قولما- قول اقشاسىز تولەم جۇيەسىنە كوشكەنى تۋرالى حابارلادىق.

سوڭعى جاڭالىقتار