تۇرمەدەگى توبەلەس: 10 ادام قازا تاپتى، اراسىندا بالا بار
استانا. KAZINFORM - مەكسيكانىڭ سولتۇستىك-باتىسىنداعى سينالوا شتاتىنداعى «ەل-كاستيلو» تۇرمەسىندە بولعان توبەلەس سالدارىنان توعىز تۇتقىن مەن ولارعا كەلگەن ءبىر بالا كوز جۇمدى. تاعى 16 سوتتالۋشى جاراقات الدى. بۇل تۋرالى شينحۋا اگەنتتىگى جازدى.
شتاتتىڭ قوعامدىق قاۋىپسىزدىك مينيسترلىگىنىڭ مالىمەتىنشە، جارالانعاندارعا مەديتسينالىق كومەك كورسەتىلگەن. تۇرمەدە ءتارتىپتى قالپىنا كەلتىرۋ ءۇشىن بىرنەشە ۆەدومستۆونىڭ قىزمەتكەرلەرى جۇمىلدىرىلدى. قازىر جاعداي باقىلاۋعا الىنعان.
وقيعاعا قاتىستى تەرگەۋ باستالىپ، كىنالىلەر انىقتالماق. قاۋىپسىزدىك ماقساتىندا تۇرمەگە كەلۋشىلەردى قابىلداۋ ۋاقىتشا توقتاتىلدى. بيلىك قالعان تۇتقىنداردىڭ زارداپ شەكپەگەنىن حابارلادى.
ايتا كەتەيىك، بۇعان دەيىن مادۋروعا تۇرمەدەگى امەريكالىقتاردى ازاپتادى دەگەن جاڭا ايىپ تاعىلعان ەدى.
