پەتروپاۆلداعى جىلۋ-ەلەكتر ورتالىعىنىڭ جاڭا مۇرجاسى ىرگەتاسىنا دەيىن بۇزىلاتىن بولدى

پەتروپاۆلداعى 2-جىلۋ-ەلەكتر ورتالىعىنىڭ ءتۇتىن مۇرجاسى نەگىزىنە دەيىن بۇزىلادى. جوبانىڭ اۆتورى - «سيەۆكازەنەرگوپروم» ج ش س ماماندارى ءتيىستى زەرتتەۋلەر جۇرگىزىپ، رەسمي قورىتىندى بەردى، دەپ حابارلايدى Kazinform.

بىلتىر 8- تامىز كۇنى ج ە و-2 ءنىڭ قۇلاعان مۇرجانىڭ ورنىنا سالىنىپ جاتقان جاڭاسى ءبىر جاعىنا قيسايىپ كەتىپ، نىسانداعى قۇرىلىس توقتاعان ەدى.

«سيەۆكازەنەرگو» ا ق باسپا ءسوز قىزمەتىنىڭ مالىمەتىنشە، قازىر وسى ءتۇتىن مۇرجاسىنا قاتىستى ءتيىستى ەسەپتەر جۇرگىزىلىپ، قورىتىندىسى شىعارىلدى. «سيەۆكازەنەرگوپروم» عىلىمي-وندىرىستىك فيرماسى» ج ش س- نىڭ ماماندارى ءتۇتىن مۇرجاسىن ىرگەتاسىنا دەيىن بۇزۋعا كەڭەس بەردى.

«كونۋستىق جىلجىمالى قالىپتىڭ جۇيەسىن دۇرىس ورناتىپ، ونى مونتاجداۋ ءۇشىن قوسىمشا كونسترۋكتسيالاردى كوتەرۋگە ۋاقىتشا جانە ەڭبەك شىعىندارىن بولدىرماۋ ماقساتىندا جانە باستىسى بۇعان دەيىن كوتەرىلگەن جانە ءارى قاراي سالىناتىن وقپاننىڭ بولىكتەرىنىڭ اراسىندا «سۋىق جاپسار» بولماۋى ءۇشىن، ارماتۋرالارىن ساقتاي وتىرىپ، ىرگەتاسقا دەيىن تەمىربەتون بولىگىن بولشەكتەۋ قاجەت»، - دەيدى جوبالىق ينستيتۋتتىڭ باس ديرەكتورى ۆلاديمير پەشكوۆ.

2024-جىلدىڭ 1- ناۋرىزىنا دەيىن ءتۇتىن مۇرجاسى بولشەكتەلىپ الىنباق.

«جوبالاۋ ينستيتۋتىنىڭ قورىتىندىسىن نەگىزگە الدىق. سوسىن «تەپلوحيممونتاج» ا ق قوسالقى مەردىگەرمەن بىرلەسىپ 1- ساۋىردەن باستاپ 5+ ورتاشا اۋا تەمپەراتۋراسى ورناعان كەزدە قوسالقى مەردىگەردىڭ تەحنولوگياسىن پايدالانا وتىرىپ، مۇرجا قۇرىلىسىنا كىرىسەمىز. سونىمەن قاتار نىسان قۇرىلىسىنىڭ مەرزىمى، سونداي-اق جوبا سوماسى وزگەرىسسىز قالادى. 2024-2025-جىلدارعى جىلىتۋ ماۋسىمىنىڭ باستالۋىنا قاراي پايدالانۋعا بەرەمىز»، - دەدى «كازتەپلوسپەتسستروي» ج ش س باس ديرەكتورى كونستانتين بيگوجين.

پەتروپاۆلداعى ج ە و-2 ءنىڭ ءتۇتىن مۇرجاسى «سيەۆكازەنەرگو» ا ق جانە اكتسيونەرلەردىڭ قارجىسىنا سالىنادى.

2022-جىلدىڭ ناۋرىز ايىندا قۇلاعان مۇرجانىڭ ورنىنا سالىناتىن جاڭا مۇرجانىڭ بيىكتىگى 180 مەتر بولۋى ءتيىس.

سالىنىپ بىتكەننەن كەيىن وعان ستانتسياداعى 12 قازاندىق اگرەگاتىنىڭ جەتەۋى قوسىلماق.