09:32, 14 - ءساۋىر 2024 | GMT +5
پەتروپاۆلدا تۇرعىن ۇيلەرگە تازا سۋ بەرىلە باستادى
پەتروپاۆل. KAZINFORM - پەتروپاۆل اكىمى سەرىك مۇحامەديەۆ وبلىس ورتالىعىندا بالاما سۋ كوزىن ىسكە قوسۋ مۇمكىن بولعانىن حابارلادى.
قالا اكىمى بۇل تۋرالى الەۋمەتتىك جەلىدە حابارلادى.
«بۇگىن ءبىز سىناق رەجيمىندە ەكى بالامالى سۋمەن جابدىقتاۋ كوزىنىڭ ءبىرىن قوسا الدىق. كرانداردان كەلەتىن سۋ ىشۋگە جارامدى. جۇيەدەگى قىسىم بىرتە-بىرتە كوتەرىلىپ كەلەدى. قىسىم قالىپقا كەلگەننەن كەيىن بارلىق ۇيلەرگە سۋ بەرىلەدى»، - دەپ جازدى سەرىك مۇحامەديەۆ.
ەستەرىڭىزگە سالايىق، 12-ءساۋىر كۇنى تاڭەرتەڭ پەتروپاۆلدا سۋ بەرۋ توقتاتىلعان ەدى. تاسقىن سۋمەن كەلگەن مۇز ءبىرىنشى كوتەرگىش سورعى ستانتسياسىنا قۋات بەرەتىن ەلەكتر جەلىسىنىڭ باعاندارىن قۇلاتتى.
ماسەلەنى شەشۋ ءۇشىن پەتروپاۆلدا بالاما سۋ كوزدەرى قارالعان ەدى.
