پەتروپاۆلدا دارىگەرلەر ايەلدىڭ وتىنەن جۇمىرتقانىڭ ۇلكەندىگىندەي تاس الدى
پەتروپاۆل. KAZINFORM - پەترووپاۆلدا 58 جاستاعى ايەلگە وتا جاسالىپ، ونىڭ ءوت قابىنان تاۋىق جۇمىرتقاسىنداي بولاتىن تاس الىندى.
پەتروپاۆلداعى كوپبەيىندى قالالىق جەدەل مەديتسينالىق جاردەم اۋرۋحاناسىنا سىرقات قاتتى اۋىرىپ كەلگەن. ول ءىشىنىڭ جوعارعى بولىگى اۋىرىپ، جۇرەگى اينيتىنىن، اۋزىنا اشى ءدام كەلەتىنىن ايتقان جانە جالپى السىزدىككە شاعىمدانعان. ايتۋىنشا، بۇل سيمپتومدار مايلى جانە قۋىرىلعان تاعامدار جەگەننەن كەيىن پايدا بولىپ، ءبىر تاۋلىك بويى باسىلماعان.
دارىگەرلەر تەكسەرۋ بارىسىندا ونىڭ وتىندە تاستاردىڭ بارلىعىن انىقتادى. تاستاردىڭ ءبىرىنىڭ ۇلكەندىگى تاۋىق جۇمىرتقاسىنداي بولعان.
دارىگەرلەر شۇعىل وپەراتسيا جاساۋ تۋرالى شەشىم قابىلدادى. وتا ءبىر جارىم ساعاتقا سوزىلىپ، ءساتتى اياقتالدى.
ءوت قابىنان بىرنەشە تاس الىنىپ، دەرتتىڭ اسقىنۋ قاۋپى جويىلدى. قازىر ناۋقاس ۇيىندە، ءتاۋىر بولىپ كەلەدى.
دارىگەرلەردىڭ ايتۋىنشا، وتتەگى تاستى الۋدى كەيىنگە قالدىرماۋ ماڭىزدى. بۇل دەرت كوپكە دەيىن بەلگى بەرمەۋى مۇمكىن، ءبىراق كەز-كەلگەن ۋاقىتتا: جەدەل حولەتسيستيتكە، ياعني ءوت قابىنىڭ قابىنۋىنا، ءوت جولدارىنىڭ بىتەلۋىنە، سارى اۋرۋعا، حولانگيت، پانكرەاتيتكە نەمەسە ادام ومىرىنە قاۋىپتى ءوت قابىنىڭ پەرفوراتسياسىنا اكەلەدى.
- وڭ جاق قابىرعانىڭ استى اۋىرسا، اۋزىڭىزعا اشى ءدام كەلسە، اسىرەسە تاماقتان كەيىن جۇرەك اينىسا مىندەتتى تۇردە دارىگەرگە كورىنگەن ءجون. ۋاقتىلى دياگنوز قويۋ جانە ەمدەۋ اۋىر زارداپتىڭ الدىن الادى، - دەيدى دارىگەرلەر.
