پەتروپاۆلدا اۆتوكولىك كوپىرىنەن قۇلاعان ايەل امان قالدى

құлаған әйел
Фото: Фото: СҚО ПД баспасөз қызметі

 پەتروپاۆلدا بەلگىسىز جاعدايدا اۆتوكولىك كوپىرىنەن قۇلاعان ايەل امان قالدى. قامىسقا وراتىلىپ، جۇرە الماي قالعان 32 جاستاعى قالا تۇرعىنىن مۇزداي سۋدان پوليتسيا قىزمەتكەرى الىپ شىقتى، دەپ حابارلايدى Kazinform. 

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 18-قازان كۇنى ساعات 22:30 شاماسىندا پەتروپاۆل قالالىق پوليتسيا باسقارماسىنىڭ «102» پۋلتىنە شاقىرتۋ تۇسكەن. حابارلاسقان ادام ەسىل وزەنى ارقىلى وتەتىن اۆتوموبيل كوپىرىنىڭ جانىنداعى سۋدا جاعاعا شىعا الماي جاتقان ايەلگە كومەك كەرەك دەپ حابارلاسقان. قوڭىراۋ شالۋشى ايەل «زارداپ شەگۋشى ابايسىزدا قۇلادى ما؟» دەگەن سۇراققا جاۋاپ بەرە المادى.

полиция
Фото: Фото: СҚО ПД баспасөз қызметі

 

وقيعا ورنىنا پاترۋلدىك پوليتسيا باتالونىنىڭ جاقىن ماڭداعى ەكيپاجدارى جىبەرىلدى. سونداي-اق، س ق و توتەنشە جاعدايلار دەپارتامەنتىنىڭ قىزمەتكەرلەرى مەن جەدەل جاردەم قىزمەتى شاقىرىلدى.

«قاراڭعىدا ايەلدى كورە المادىق، تەك كومەك سۇراعان داۋىسى شىعىپ جاتتى. ول قاراڭعىدا باعىتتى جوعالتىپ، جاعادان الىستاپ، قامىس اراسىنا كىرىپ كەتۋى مۇمكىن. جاعادان جانە كوپىردەگى قىزمەتكەرلەر مەن قالا تۇرعىندارى مەنى باعدارلاپ وتىردى. شامنىڭ جارىعىن كورگەن ايەلدىڭ ءوزى ماعان قاراي جۇرۋگە تىرىستى، ءبىراق ورنىنان قوزعالا المادى»، - دەيدى پوليتسيا قىزمەتكەرى ولەگ گولوۆين.

ءتارتىپ ساقشىسى مۇزداي سۋعا ءتۇسىپ، قالا تۇرعىنىن قامىستان بوساتىپ، جاعاعا الىپ شىقتى. كەلىپ جەتكەن «جەدەل جاردەم» توڭىپ قالعان 32 جاستاعى پەتروپاۆل تۇرعىنىن مەديتسينالىق مەكەمەگە جەتكىزدى. پوليتسيا كىشى لەيتەنانتى ولەگ گولوۆين كيىمىن اۋىستىرىپ، قىزمەت وتكەرۋىن جالعاستىردى.

سوڭعى جاڭالىقتار