تۇرمەدەگى ادام تەررورلىق اكت جاساۋعا دايىندالعان - ۇ ق ك

استانا. KAZINFORM - ۇ ق ك ءۇش وبلىستاعى قىلمىستىق-اتقارۋ جۇيەسى مەكەمەلەرىندە 10 راديكالدى ءدىني يدەولوگيا جاقتاسىنىڭ زاڭسىز ارەكەتىنىڭ جولىن كەستى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.

بيىل 22-قاراشادا ۇلتتىق قاۋىپسىزدىك كوميتەتى ءى ءى م- مەن بىرلەسە، الماتى وبلىسى پروكۋراتۋراسىنىڭ ۇيلەستىرۋىمەن الماتى، قوستاناي جانە جەتىسۋ وبلىستارىنىڭ قىلمىستىق- اتقارۋ جۇيەسى مەكەمەلەرىندە 10 راديكالدى ءدىني يدەولوگيا جاقتاسىنىڭ زاڭسىز ارەكەتىنىڭ جولىن كەستى.

- الدىن الا مالىمەتكە سايكەس، فيگۋرانتتاردىڭ ءبىرى قاماۋ جاعدايىندا تەررورلىق اكت جاساۋعا دايىندالعان، ال قالعاندارى تەرروريزمدى ناسيحاتتاۋعا قاتىسىپ، تەررورلىق ارەكەتتەردى ۇيىمداستىرۋ ماقساتىندا ادامداردى ءوز قاتارلارىنا تارتۋمەن اينالىسقان. جازا وتەۋ ورىندارىندا جۇرگىزىلگەن تىنتۋلەر بارىسىندا سۋىق قارۋ، سمارتفوندار جانە باسقا دا زاتتاي دالەلدەر الىندى. بىرەۋىنىڭ ەكسترەميزم ءۇشىن سوتتىلىعى بار. قالعاندارى كىسى ءولتىرۋ، توناۋ جانە ۇرلىق ءۇشىن جازالارىن وتەگەن. سونداي-اق، الماتى قالاسىندا پروباتسيالىق باقىلاۋدا تۇرعان ولاردىڭ بايلانىسى ۇستالدى، - دەلىنگەن حابارلامادا.

كوميتەتتىڭ باسپا ءسوز قىزمەتىنىڭ مالىمەتىنشە، جوعارىدا اتالعان ادامدارعا قاتىستى قىلمىستىق كودەكستىڭ 255، 256 جانە 259-باپتارى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتىلمەيدى.

اۆتور
اينۇر تۋماكبايەۆا