تۇركىستاندىق وقۋشىلار الەمنىڭ ۇزدىك جوعارى وقۋ ورىندارىنان شاقىرتۋ الدى

Нурболат Полатхан ва Абдулла Бақтиеров
فوتو: تۇركىستان وبلىسى ءبىلىم باسقارماسى

تۇركىستان. قازاقپارات - 11-سىنىپ وقۋشىسى نۇربولات پولاتحان مەن ابدۋللا باقتيەروۆقا الەمدىك ۋنيۆەرسيتەتتەر ارنايى گرانت ءبولىپ وتىر.

تۇركىستان ءبىلىم-يننوۆاتسيا ليتسەيىنىڭ وقۋشىسى نۇربولات پولاتحانعا كورەيا مەملەكەتى 100000 ا ق ش دوللارى كولەمىندە گرانت بولمەك. ول ءوزىنىڭ ماتەماتيكادان رەسپۋبليكالىق جانە حالىقارالىق وليمپيادالاردا العان جۇلدەلەرىمەن كوزگە تۇسكەن.

سونداي-اق، IELTS ەمتيحانىنان 7,5 ۇپاي جانە SAT ەمتيحانىنان 1510 ۇپاي جيناپ ءوزىنىڭ اعىلشىن ءتىلىن دە جەتىك مەڭگەرگەنىن دالەلدەگەن. «KAIST» ۋنيۆەرسيتەتى الەم بويىنشا ەڭ ۇزدىك 56 ۋنيۆەرسيتەتتىڭ قاتارىنا كىرەدى.

سونىمەن قاتار، تۇركىستان ءبىلىم- يننوۆاتسيا ليتسەيىنىڭ 11-سىنىپ وقۋشىسى ابدۋللا باقتيەروۆ الەم بويىنشا ەڭ مىقتى 70 ۋنيۆەرسيتەتتىڭ قاتارىنا كىرەتىن «CityU» ۋنيۆەرسيتەتىنەن شاقىرتۋ العان.

«CityU» ۋنيۆەرسيتەتى - گونكونگ قالاسىندا ورنالاسقان. ابدۋللا وندا تولىق گرانتتا وقيتىن بولادى. جاس تۇلەك بۇل ۋاقىتقا دەيىن ينفورماتيكا پانىنەن رەسپۋبليكالىق جانە حالىقارالىق وليمپيادالارعا قاتىسىپ، جۇلدەلەرگە يە بولعان.

سوڭعى جاڭالىقتار