تۇركىستاندىق وقۋشى الەمنىڭ 40 ۋنيۆەرسيتەتىنەن شاقىرتۋ الدى

Фото: Оқу-ағарту министрлігі
Фото: Оқу-ағарту министрлігі

تۇركىستان. KAZINFORM - تۇركىستان ءبىلىم-يننوۆاتسيا ليتسەيىنىڭ وقۋشىسى يسلام ابدۋراحمانوۆ الەمنىڭ 40 ۋنيۆەرسيتەتىنە گرانت جەڭىپ الدى. ول ب ا ءا، ا ق ش، انگليا، پولشا، مالايزيا، شۆەيتساريا ەلدەرىنىڭ الەمگە تانىمال جوعارى وقۋ ورنىنىڭ ستۋدەنتى اتانا الادى.

يسلام 7-سىنىپتان باستاپ ءتۇرلى باعىتتاردا باعىن سىناي وتىرىپ، ءبىرقاتار جەتىستىككە قول جەتكىزدى.

ينتەللەكتۋالدى جارىستار، ونىڭ ىشىندە شاحماتپەن ەرەكشە اينالىستى.

سونىڭ ارقاسىندا قالالىق جانە وبلىستىق دەڭگەيدە وتكەن ءتۇرلى جارىستاردا التىن مەن قولا مەدال جەڭىپ الدى.

«8-سىنىپتا IT سالاسىنا قىزىعۋشىلىعىم ويانىپ، جاڭا باعىتقا قادام باستىم. بۇل سالادا رەسپۋبليكالىق دەڭگەيدە وتكەن Hackathon اتتى جارىستان التىن مەدال جەڭىپ الدىم، وسى ءىس شارادا العان تاجىريبەم قازاقستانداعى ءبىلىم وليمپياداسىنان ءبىرىنشى ورىن يەلەنۋىمە سەبەپكەر بولدى. 9-سىنىپتا قوعامدىق ىستەرمەن اينالىسامىن دەپ شەشتىم. تۇركىستان قالاسىنىڭ Eco Turkistan كلۋبىنىڭ مۇشەسى بولدىم. كەيىننەن كەنتاۋ قالاسىندا ءوزىمنىڭ Green Team اتتى جەكە ەكوكلۋبىمدى اشتىم»، - دەيدى يسلام ابدۋراحمانوۆ.

11-سىنىپتان باستاپ جوعارى وقۋ ورنىنا تۇسۋگە دايىندىقتى قولعا العان يسلام الەمنىڭ 6 ەلىنەن 40 تان استام ۋنيۆەرسيتكە شاقىرتۋ الىپ، وبلىستىڭ ابىرويىن اسقاقتاتتى.

يسلامنىڭ تاڭداۋى ا ق ش- تىڭ تەحاس شتاتى حيۋستون قالاسىنداعى North American University (NAU) مەكەمەسىنە ءتۇستى.

ۇزدىك وقۋشى شەتەلدە ءبىلىم الىپ، وتانعا ورالىپ، ەڭبەك ەتۋدى كوزدەپ وتىر.

سوڭعى جاڭالىقتار