تۇركىستاندىق تۇلەكتەر مۇقتاج وتباسىلارعا باسپانا سىيلادى
تۇركىستان. قازاقپارات - 20 جىل بۇرىن مەكتەپ بىتىرگەن تۇلەكتەر الەۋمەتتىك جاعدايى تومەن وتباسىلارعا ءۇي سالىپ بەرىپ جاتىر.
يگى ىسكە سوزاق، تۇلكىباس، ورداباسى اۋداندارى مەن تۇركىستان، كەنتاۋ قالالارىنىڭ جاستارى ۇيىتقى بولدى. ماسەلەن، «بەكزات» شاعىن اۋدانىنىڭ جىگىتتەرى مۇقتاج وتباسىعا، ياعني 2020 -جىلى دۇنيەدەن وتكەن دوستارى جارقىنبەك وتەپوۆتىڭ وتباسىنا ءۇي سالىپ بەردى. ال ورداباسى اۋدانى تەمىرلان اۋىلىنىڭ تۇلەكتەرى جالعىزباستى كوپبالالى اناعا 2 بولمەلى پاتەردىڭ كىلتىن تابىستادى.
يگى ءىس سوزاق اۋدانىندا دا جالعاسىن تاپتى. سوزاق جانە شولاققورعان اۋىلىنداعى تۇلەكتەر تارتۋ ەتكەن 2 ءۇي الەۋمەتتىك جاعدايى تومەن وتباسىلارعا بەرىلدى. تۇلكىباستىق جاستار سالعان باسپانا جالدامالى پاتەردە كۇنەلتىپ جۇرگەن جاس وتباسىلارعا تابىس ەتىلدى.
كەنتاۋ قالاسىنا قاراستى حانتاعى اۋىلىندا ورنالاسقان ا. پۋشكين اتىنداعى №6-جالپى ورتا مەكتەبىنىڭ تۇلەكتەرى وزدەرى ءبىلىم العان مەكتەپكە سپورت الاڭشاسىن سالىپ بەردى. ودان بولەك، ءبىلىم ورداسىنىڭ ىشىنە رامىزدەر الاڭىن جاساپ بەرگەن.
وڭىردە تۇلەكتەردىڭ تارتۋى الىدە جالعاسىپ جاتىر.
اۆتور
قايرات زاينيشەۆ
