تۇركىستان وبلىسىنىڭ تۇرعىنى چات ارقىلى تىيىم سالىنعان ءدىني ۋاعىزداردى ناسيحاتتاپ كەلگەن
تۇركىستان. KAZINFORM - پوليتسيا قىزمەتكەرلەرى دەسترۋكتيۆتى-ءدىني اعىم جاقتاۋشىسىن جەتىساي قالاسىندا ۇستادى.
تۇركىستان وبلىسى پوليتسيا دەپارتامەنتى باستىعىنىڭ ورىنباسارى ق. ساحوۆتىڭ ايتۋىنشا، جەدەل-ىزدەستىرۋ ءىس-شارالارىن تۇركىستان وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى مەن ۇلتتىق قاۋىپسىزدىك كوميتەتى بىرلەسىپ جۇرگىزگەن.
بۇرىن بىرنەشە رەت سوتتالعان 58 جاستاعى ەر ادام مەسسەندجەردە چات قۇرىپ، وندا راديكالدى ۋاعىزشىلاردىڭ بەينەماتەريالدارىن جاريالاپ وتىرعان. سونداي-اق، تىيىم سالىنعان دەسترۋكتيۆتى-ءدىني اعىم يدەولوگياسىن ناسيحاتتايتىن حابارلامالار تاراتقان.
«جەدەل ۋاكىلدەر ءى ءى و-دا ەسەبىندە تۇراتىن كۇدىكتىنى جەتىساي قالاسىنان ۇستاپ، ۋاقىتشا ۇستاۋ يزولياتورىنا قاماۋعا الدى. قىلمىستىق ءىس قوزعالدى. ءتيىستى ساراپتامالار تاعايىندالدى. قازىرگى ۋاقىتتا كۇدىكتىنىڭ تۇرعىلىقتى جەرى بويىنشا تەرگەۋ ارەكەتتەرى جۇرگىزىلىپ جاتىر. وقيعانىڭ تولىق ءمان-جايى انىقتالۋدا» - دەدى ق. ساحوۆ.
اۆتور
قايرات زاينيشەۆ
