تۇركىستان وبلىسىنىڭ اكىمى تاعايىندالدى
استانا. KAZINFORM - مەملەكەت باسشىسىنىڭ جارلىعىمەن نۇرالحان ورالباي ۇلى كوشەروۆ تۇركىستان وبلىسىنىڭ اكىمى لاۋازىمىنا تاعايىندالدى، دەپ حابارلايدى اقوردانىڭ باسپا ءسوز قىزمەتى.
قازاقستان رەسپۋبليكاسى قارجى ءمينيسترىنىڭ بۇيرىعىمەن كوشەروۆ نۇرالحان ورالباي ۇلى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ تاعايىندالدى.
ن. كوشەروۆ 1984 - جىلى دۇنيەگە كەلگەن. 2005 - جىلى "ەكونوميست" ماماندىعى بويىنشا م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن بىتىرگەن. 2007 - جىلى قازاق گۋمانيتارلىق زاڭ ۋنيۆەرسيتەتىن "زاڭ تانۋ باكالاۆرى" ماماندىعى بويىنشا، 2019 - جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن بىتىرگەن.
ەڭبەك جولىن 2005 -جىلى باستاعان. 2008 -جىلدان باستاپ 2015 -جىلعا دەيىن مەملەكەتتىك كىرىستەر ورگاندارىندا ءتۇرلى لاۋازىمداردا جۇمىس ىستەدى. 2015-2018 -جىلدارى شىمكەنت قالاسى اكىمىنىڭ ورىنباسارى بولدى.
2018 -جىلدان 2021 -جىلدىڭ 29 - قىركۇيەگىنە دەيىن شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ جۇمىس ىستەدى.
2021 -جىلدىڭ 30- قىركۇيەگىنەن باستاپ اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقاردى.
وسىعان دەيىن حابارلاعانىمىزداي، مەملەكەت باسشىسىنىڭ جارلىعىمەن دارحان امانگەلدى ۇلى ساتىبالدى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.
