تۇركىستان وبلىسىنداعى مەكتەپ اۋلالارىنا 10 مىڭنان استام قۇس ۇياسى ورناتىلدى
تۇركىستان. KAZINFORM - مەكتەپ جانىنداعى اعاشتارعا ورناتىلعان ۇيالاردى كوركەم ەڭبەك ءپانىنىڭ مۇعالىمدەرى مەن وقۋشىلار ازىرلەدى.
«ءبىز قامقورشى بالامىز، قۇستارعا ۇيا سالامىز!» ۇرانىمەن وتكەن ءىس-شارا بارىسىندا وڭىردەگى 1040 مەكتەپتىڭ اۋلاسىنداعى اعاشتارعا 10 مىڭنان استام قۇس ۇياسى ورناتىلدى. سونداي-اق وندا جەم شاشاتىن ىدىستار قويىلىپ، وعان قۇس ازىقتارى سالىندى.
«كوكتەمنىڭ العاشقى جارشىسى قۇستارعا قامقور بولا ءبىلۋ - بالالاردى ۇيىمشىلدىققا، بىرلەسىپ ەڭبەك ەتۋگە تاربيەلەيدى. مۇنى بۇگىنگى وتكەن ەكولوگيالىق ءىس-شارادان ايقىن بايقاۋعا بولادى. ناۋقان شەڭبەرىندە جاس بۋىننىڭ قۇستارعا قامقورلىق تانىتىپ، ءوز قولدارىمەن ازىق بەرىپ، ۇيا جاساپ جاتقانى كوپشىلىكتى قۋانتتى. وسىنداي يگى باستاما الداعى ۋاقىتتا دا جالعاسىن تابا بەرمەك»، - دەدى وبلىستىق «ءبىلىم بەرۋدى دامىتۋ ورتالىعى» ك م م ادىسكەرى نۇعمان ارحابايەۆ.
اۆتور
قايرات زاينيشەۆ
