قازاقستاندا قاي ەلدىڭ ازاماتتارى كوپ جۇمىس ىستەيدى؟
استانا. KAZINFORM - قازاقستاندا 13707 شەتەل ازاماتى جۇمىس ىستەيدى، - دەپ حابارلايدى Massaget.kz ءتىلشىسى.
قاي سالالاردا شەتەلدىكتەر كوپ؟
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر مىنا سالالاردا:
قۇرىلىس سالاسىندا 5144 ادام،
اۋىل، ورمان جانە بالىق شارۋاشىلىعى سالاسىندا 1638 ادام،
اكىمشىلىك جانە كومەكشى قىزمەتتەر سالاسىندا 1439،
وڭدەۋ ونەركاسىبى 1376 ادام،
تاۋ-كەن ونەركاسىبى جانە كارەرلەردى قازۋ 1344 ادام.
ەڭبەك ميگرانتتارى كوبىنە قاي ەلدەن كەلەدى؟
ەڭبەك ميگرانتتارى كەلەتىن نەگىزگى ەلدەر: قىتاي - 4600 ادام، وزبەكستان - 1698 ادام، تۇركيا - 1145 ادام، ءۇندىستان - 1101 ادام.
«ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. 2024-جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0,23 پايىز نەمەسە 21,5 مىڭ بىرلىك مولشەرىندە بەلگىلەندى»، - دەپ جازىلعان حابارلامادا.
