تۇركىستان وبلىسىندا پوليتسيا 90 ميلليون تەڭگە بەرەشەگى بار جۇرگىزۋشىنى ۇستادى

تۇركىستان. KAZINFORM - تۇركىستان وبلىسىندا پوليتسيا 90 ميلليون تەڭگە بەرەشەگى بار جۇرگىزۋشىنى ۇستادى، - دەپ حابارلايدى Polisia.kz.

كوشەلەردى پاترۋلدەۋ كەزىندە تۇركىستان قالاسىنىڭ پاترۋلدىك پوليتسيا قىزمەتكەرلەرى «قورعاۋ» باعدارلاماسىنىڭ كومەگىمەن وتەلمەگەن قارىزى بار Toyota Highlander اۆتوكولىگىن انىقتادى.

جەدەل باسقارۋ ورتالىعىنان پاترۋلدىك پوليتسەيلەردىڭ پلانشەتىنە تراسساداعى بورىشكەردىڭ كولىگى بويىنشا سيگنال ءتۇستى. تەكسەرۋ كەزىندە پوليتسەيلەر قىزىلوردانىڭ 46 جاستاعى تۇرعىنى سوت ورىنداۋشىنىڭ قاۋلىسىنا سايكەس 90 ميلليون تەڭگەگە جۋىق بەرەشەگى بار ەكەنىن انىقتادى.

زاڭ تالاپتارىنا سايكەس پوليتسەيلەر كولىكتى ايىپپۇل تۇراعىنا قويىپ، جۇرگىزۋشىگە سالىنعان ايىپپۇلدار مەن قارىزداردى ۋاقىتىلى تولەۋ قاجەتتىگى تۋرالى ءتۇسىندىردى.