تۇركىستان وبلىسىندا تەمىرجول كوپىرىنىڭ ءبىر بولىگى وپىرىلىپ ءتۇستى
تۇركىستان. KAZINFORM - تۇركىستان وبلىسىندا تەمىرجول كوپىرىنىڭ ءبىر بولىگى وپىرىلىپ ءتۇستى.
الەۋمەتتىك جەلىدە تاراعان ۆيدەودان پويىز وتەتىن كوپىردىڭ ءبىر بولىگى قۇلاپ تۇسكەنىن كورۋگە بولادى. اتالعان جاعدايدان كوپىر ۇستىندەگى پويىزبەن، استىنداعى وتكەلدە تۇرعان كولىكتەرگە دە قاۋىپ تونگەن.
«قازاقستان تەمىر جولى» ا ق مالىمەتىنە سۇيەنسەك، وقيعا 3-ناۋرىز كۇنى قىزىلساي - مانكەنت ارالىعىنداعى ارىس - تۇلكىباس ۋچاسكەسىندە بولعان. اۋىر باننەردەن تۇسكەن جۇكتىڭ سالدارىنان قورشاۋ كوپىرىنىڭ ءبىر بولىگى وپىرىلىپ قۇلاعان.
«ەشكىم زارداپ شەككەن جوق، وقيعا پويىز قىزمەتىنە اسەر ەتپەدى. جولدارداعى پويىزدار قوزعالىسى توقتاعان جوق جانە پويىزدارعا قاۋىپ تونبەدى. جولدى قوقىستان تازارتۋ ءۇشىن بريگادالار 20 مينۋتتان كەيىن كەلىپ، اۆتوجولدىڭ ءجۇرىس بولىگىن قورشاۋ سىنىقتارىنان تازارتتى. قازىرگى ۋاقىتتا قۇرىلىم جيەكتەرىن قالپىنا كەلتىرۋ جۇمىستارى جۇرگىزىلۋدە»، - دەلىنگەن اقپاراتتا.
اۆتور
قايرات زاينيشەۆ
