تۇركىستان وبلىسىندا پرەزيدەنت كورتەجى جۇرەتىن جولدىڭ بويىنان قارۋ-جاراق تابىلدى
استانا. KAZINFORM - قازاقستان پرەزيدەنتى جۇمىس ساپارىمەن تۇركىستان وبلىسىندا ءجۇر. مەملەكەت باسشىسى مىنگەن كورتەج جۇرەتىن جولدىڭ بويىنان قارۋ-جاراق تابىلدى.
ىشكى ىستەر مينيسترلىگى قىزمەتكەرلەرى ۇ ق ك جانە مەملەكەتتىك كۇزەت قىزمەتى ماماندارىمەن بىرگە پرەزيدەنت كورتەجىنىڭ تۇركىستان وبلىسىندا جۇرەتىن مارشرۋتىنىڭ بويىن تەكسەرىپ، جاسىرىلعان اتىس قارۋىن تاپقان.
اتالعان فاكتى بويىنشا قىلمىستىق ءىس قوزعالدى.
«قازىرگى ۋاقىتتا بۇكىل ءمان-جايدى انىقتاۋ جانە كۇدىكتى ادامداردى ۇستاۋ بويىنشا قاجەتتى جەدەل-ىزدەستىرۋ جانە تەرگەۋ ءىس-شارالارى جۇرگىزىلىپ جاتىر» دەيدى ىشكى ىستەر مينيسترلىگىنەن.
تەرگەۋ مۇددەسى ءۇشىن باسقا اقپارات جاريا ەتىلمەيدى.
ايتا كەتەيىك، مۇنىڭ الدىندا كەي ارنالاردا تۇركىستان وبلىسىنان قارۋ-جاراق تابىلعانى، بۇل پرەزيدەنتكە قاستاندىق جاساۋعا قاجەت بولۋى مۇمكىن دەگەن اقپارات تاراعان ەدى.
