تۇركىستان وبلىسىندا قىزىلشا دەندەپ تۇر

تۇركىستان وبلىسىندا جىل باسىنان 166 ادام قىزىلشا جۇقتىردى، ونىڭ 146 سى بالالار. بۇل تۋرالى وڭىرلىك سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى باحتىوراز ەلەمەسوۆ ءمالىم ەتتى، دەپ حابارلايدى kazinform.

түркістан қызылша
Фото: Фото: Мұхтар Холдорбеков / "ҚазАқпарат" ХАА

تۇركىستان وبلىسىندا قىزىلشا اۋرۋى دەندەپ تۇر. ماسەلەن اتالعان ۆيرۋستى جۇقتىردى دەگەن كۇدىكپەن 373 ادام تىركەلدى. زەرتحانالىق جۇمىستاردىڭ ناتيجەسىندە 166 ناۋقاستىڭ دياگنوزى راستالدى. ونىڭ ىشىندە 14 جاسقا دەيىنگى 146 بالا بار.

ورداباسى اۋدانىنىڭ تۇرعىندارى قىزىلشاعا شالدىققاندار اراسىندا الدىڭعى ورىندا تۇر. اۋرۋشاڭدىق سونداي- اق ساۋرام، ساۋران، شاردارا جانە قازىعۇرت اۋداندارىندا كوپ تىركەلگەن.

مامانداردىڭ سوزىنە سۇيەنسەك، قىزىلشامەن اۋىرعانداردىڭ ەداۋىر بولىگى ءتۇرلى سەبەپتەرمەن ۆاكتسينا الماعان. ياعني - ەگۋدەن باس تارتقان، مەديتسينالىق قارسى كورسەتىلىمدەرى بار بولعان نەمەسە ەگۋ جاسىنا جەتپەگەن.

« قىزىلشا - كوبىنە بالالار اراسىندا ءجيى كەزدەسەتىن، اۋا- تامشى جولدارى ارقىلى تارايتىن ينفەكتسيا. كۇز- كوكتەم مەزگىلدەرى ەپيدەميالىق ماۋسىمدارى بولىپ سانالادى. ادامنان ادامعا جۇعۋى وتە جوعارى. اۋرۋدىڭ جاسىرىن كەزەڭى 7-21-كۇندى قۇرايدى. اۋرۋ بەلگىلەرى ناۋقاسپەن بايلانىستا بولعاننان كەيىن سۋىق ءتيۋدىڭ بەلگىلەرىنە ۇقساس سيمپتومدارمەن بىلىنە باستايدى»، - دەيدى باحتىوراز ەلەمەسوۆ.

سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى kazinform تىلشىسىنە ءمالىم ەتكەندەي، بىلتىر وڭىردە قىزىلشانىڭ بىردە- ءبىر فاكتىسى تىركەلمەگەن.

سوڭعى جاڭالىقتار