17:48, 12 - قازان 2023 | GMT +5
تۇركىستان وبلىسىندا ەمحاناعا كەلگەن ناۋقاس دارىگەردى پىشاقتادى
تۇركىستان وبلىسىندا كلينيكاعا كەلگەن ناۋقاس دارىگەرگە پىشاق سالدى. kazinform بۇل تۋرالى polisia.kz-كە سىلتەمە جاساپ حابارلايدى.

پوليتسيا مالىمەتىنە سۇيەنسەك، سايرام اۋدانىنىڭ اقسۋكەنت كەنتىندە جەكە كلينيكادا ۋلترادىبىستىق كابينەتكە كەزەكتە تۇرعان پاتسيەنتتەردىڭ ءبىرى جانجال شىعارىپ، رەنتگەنولوگ- دارىگەرگە پىشاق سالعان.
«جابىرلەنۋشى اۋرۋحاناعا جاتقىزىلدى. وقيعا ورنىنا جەدەل- تەرگەۋ توبى دەرەۋ شىقتى. ق ر قىلمىستىق كودەكسىنىڭ 106-بابىنىڭ 2-بولىگى "دەنساۋلىققا قاساقانا اۋىر زيان كەلتىرۋ" بويىنشا قىلمىستىق ءىس قوزعالدى.
پوليتسيا اۋداننىڭ 27 جاستاعى تۇرعىنىن كۇدىكتى رەتىندە ۇستادى. قازىرگى ۋاقىتتا ۋاقىتشا ۇستاۋ يزولياتورىنا قامالدى. بولعان وقيعانىڭ بارلىق ءمان- جايى انىقتالىپ جاتىر»، - دەلىنگەن اقپاراتتا.