تۇركىستان وبلىسىندا ەكى ايەل دۇكەننەن ازىق-تۇلىك ۇرلاعان

تۇركىستان. KAZINFORM - تۇركىستان وبلىسىندا دۇكەننەن ازىق-تۇلىك ۇرلاعان ايەلدەردىڭ ارەكەتى ۆيدەوعا ءتۇسىپ قالدى. قازىر قوس كۇدىكتىگە قاتىستى سوتقا دەيىنگى تەرگەۋ ءجۇرىپ جاتىر.

وقيعا بايدىبەك اۋدانىندا بولدى. اۋداندىق پوليتسيا بولىمىنە ارىزدانعان جەكە كاسىپكەر، دۇكەنىنەن بەلگىسىز بىرەۋلەردىڭ ازىق-تۇلىك ۇرلاپ جۇرگەنىن جەتكىزگەن.

اتالعان جاعدايعا قاتىستى ءتارتىپ ساقشىلارى، قاجەتتى ىزدەستىرۋ شارالارىن جۇرگىزدى. كۇدىكتىلەردىڭ ارەكەتى بەينەباقىلاۋ كامەراسىنا ارقىلى اشكەرە بولدى.

«ۇرلىققا قاتىسى بار 43 پەن 46 جاس شاماسىنداعى ايەلدەر انىقتالدى. الدىن الا كەلىسىپ العان ەكەۋ تۇتىنۋشى كەيپىندە ازىق-تۇلىكتەردى سالىپ الىپ، بىلدىرمەي شىعىپ كەتكەن. قازىرگى تاڭدا قوس ايەلگە قاتىستى سوتقا دەيىنگى تەرگەۋ امالدارى جۇرگىزىلۋدە»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.

 

اۆتور
قايرات زاينيشەۆ