14:25, 22 - جەلتوقسان 2023 | GMT +5
تۇركىستان وبلىسىندا كولىك جۇرگىزۋشىنىڭ بەرەشەگى 27 ميلليون تەڭگەگە جەتكەن
تۇركىستان وبلىسىندا 27 ميلليون تەڭگە بەرەشەگى بار جۇرگىزۋشىنىڭ كولىگى ايىپتۇراققا قويىلدى.
Kazinform بۇل تۋرالى Polisia.kz-كە سىلتەمە جاساپ حابارلايدى.
تۇركىستان قالالىق پوليتسيا باسقارماسىنىڭ پاترۋلدىك پوليتسيا باتالونى ينسپەكتورلارى سوت ورىنداۋشىلارمەن بىرلەسىپ رەيدتەردى جالعاستىرىپ جاتىر. ياعني بۇل جولى پاترۋلدىك پوليتسيا قىزمەتكەرلەرىنە «قورعاۋ» قوسىمشاسى ارقىلى تولەنبەگەن قارىزى بار 47 جاس شاماسىنداعى اۆتوكولىك جۇرگىزۋشىسى تۋرالى حابارلاما كەلدى.
تۇركىستان قالاسىنىڭ تۇرعىنى Toyota camry 55 اۆتوكولىك يەسىنىڭ 27 ميلليون تەڭگەدەن استام قارىزى بار ەكەنى انىقتالىپ، اۆتوكولىكتى ايىپتۇراققا ورنالاستىردى. پوليتسەيلەر تاراپىنان جۇرگىزۋشىگە بەرەشەك پەن سالىنعان اكىمشىلىك ايىپپۇلداردى ۋاقىتىلى وتەۋ قاجەتتىگى تۋرالى ەسكەرتىلدى.
