تۇركىستان وبلىسىندا اۋىر قىلمىس جاساپ، حالىقارالىق ىزدەۋدە جۇرگەن كۇدىكتىلەر ۇستالدى

تۇركىستان. KAZINFORM- قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قىلمىستىق قۋدالاۋدان جاسىرىنعان ادامداردى ىزدەستىرۋگە ەرەكشە نازار اۋدارىپ كەلەدى.

باس پروكۋراتۋرامەن بىرلەسىپ، ق ر سىرتقى ىستەر مينيسترلىگىنىڭ جانە ق ر ءى ءى م ينتەرپولىنىڭ قولداۋىمەن حالىقارالىق ىزدەۋدە جۇرگەن كۇدىكتى كورەيا رەسپۋبليكاسىنان ەلگە جەتكىزىلدى.

ول جاردەمدەسۋ، قىلمىستى ارانداتۋ جانە پسيحوتروپتىق زاتتارمەن زاڭسىز قارىم-قاتىناس جاسادى دەگەن كۇدىككە ءىلىندى (ق ر ق ك 28-بابى 5-بولىگى، 296-بابى 4-بولىگى جانە 412-بابى 1-بولىگى 3-تارماعى 1). اتاپ ايتقاندا، 2022 -جىلى تۇركىستان وبلىسى پوليتسيا قىزمەتكەرلەرىمەن ءسوز بايلاسىپ، جەرگىلىكتى تۇرعىندى انىقتالماعان ادامداردان «مەفەدرون» پسيحوتروپتىق زاتىن ساتىپ الۋعا ارانداتقان. وسى جىلدىڭ 29-ناۋرىزىندا كۇدىكتى الماتى قالاسىنىڭ تەرگەۋ يزولياتورىنا قامالدى.

«اتالعان قىلمىسقا قاتىستى وبلىستىق پوليتسيا دەپارتامەنتىنىڭ ەسىرتكى بيزنەسىنە قارسى كۇرەس باسقارماسىنىڭ ءبولىم باسشىسى مەن جەدەل ۋاكىلى ءۇي قاماقتا. وسىعان ۇقساس قىلمىستارعا كۇدىكتى ءىس بويىنشا تاعى ءبىر قىلمىسقا قاتىسۋشى بۇدان بۇرىن ۇستالىپ، كورەيا رەسپۋبليكاسىنان جەتكىزىلدى»، - دەلىنگەن تۇركىستان وبلىسى بويىنشا سىبايلاس جەمقورلىققا قارسى قىزمەت اقپاراتىندا.

سونىمەن قاتار شىمكەنت حالىقارالىق اۋەجايىندا حالىقارالىق ىزدەۋدە جۇرگەن كۇدىكتى ۇستالىپ، تەرگەۋ يزولياتورىنا قامالدى.

ول تۇركىستان وبلىسى قوعامدىق دامۋ باسقارماسىنىڭ باس مامانى لاۋازىمىن اتقارا وتىرىپ، ادامدار توبىندا ءوزىنىڭ باسقارما باسشىسىمەن الدىن الا ءسوز بايلاسۋ ارقىلى زاڭسىز بايۋ ماقساتىندا COVID-19-عا بايلانىستى كارانتين كەزىندە ءىس-شارالار وتكىزۋگە بولىنگەن اسا ءىرى مولشەردەگى سەنىپ تاپسىرىلعان اقشالاي قاراجاتتى ۇرلاعان.

«بيىل 29-ناۋرىزدا كۇدىكتى كەنتاۋ قالاسىنىڭ تەرگەۋ يزولياتورىنا قامالدى. قىلمىستىق ءىس جۇرگىزۋ كودەكسىنىڭ 201-بابىنىڭ ەرەجەلەرىنە سايكەس وزگە دە اقپارات تاراتىلۋعا جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءارقايسىسى كىناسىز دەپ ەسەپتەلەدى»، - دەلىنگەن تۇركىستان وبلىسى بويىنشا سىبايلاس جەمقورلىققا قارسى قىزمەت اقپاراتىندا.

ايتا كەتەيىك، اتالعان قىلمىستى ىزدەۋدە جۇرگەن كۇدىكتى توبىندا جاساعان وبلىستىق باسقارما باسشىسى 8 جىلعا باس بوستاندىعىنان ايىرۋعا سوتتالعان بولاتىن.

اۆتور

قايرات زاينيشەۆ