تۇركىستان وبلىسىندا 1 مىڭعا جۋىق ادامدى ءيت قاپقان

تۇركىستان. KAZINFORM - بيىل وڭىردە 41,3 مىڭ قاڭعىباس ءيت پەن مىسىقتى اۋلاۋ جوسپارلانىپ وتىر.

جاراقاتتانعانداردىڭ 976 ى يتتەن، 217 ى مىسىقتان، 50 ى جىلقىدان، 5 ى ءمۇيىزدى ءىرى قارا مالدان، 49 ى جابايى جانۋارلار مەن كەمىرگىشتەردەن زارداپ شەگىپ وتىر.

ياعني، جاراقات الۋشىلاردىڭ %96,2 ى ءۇي جانۋارلارىنىڭ ۇلەسىنە تيەسىلى.

«تۇركىستان وبلىسى قۇتىرۋ اۋرۋىنىڭ ءقاۋپى جوعارى ايماقتار قاتارىنا جاتادى. بيىلعى 3 ايدا جانۋارلاردان زارداپ شەككەن 1297 ادام مەديتسينالىق كومەككە جۇگىنگەن. جالپى، بيىل ءوڭىر تۇرعىندارى اراسىندا قۇتىرۋ تىركەلمەدى»، - دەدى نۇربەك نىشانوۆ.

وبلىستىق اۋماقتىق ينسپەكتسياسىنىڭ باسشىسى اعابەك ابديەۆ بەكىتىلگەن جوسپارعا سايكەس، 4 ايدا 23499 باس ءىرى قارا مالعا، 61387 باس ۇساق مالعا، 7230 جىلقىعا، 2907 تۇيەگە، 29450 ءيت پەن 6160 مىسىققا ەكپە ەگىلگەنىن مالىمدەدى.

ال، ۆەتەريناريا باسقارماسىنىڭ باسشىسى عاني قۇرمانبايدىڭ ايتۋىنشا، بيىل 41,3 مىڭ باس قاڭعىباس ءيت پەن مىسىقتى اۋلاۋ جوسپارلانىپ وتىر.

ال، بۇگىنگى كۇنگە 12,9 مىڭ باس قاڭعىباس ءيت- مىسىق وقشاۋلانعان.

«بيىل وڭىردە قۇتىرۋ اۋرۋىنا قارسى 906 مىڭ باس جانۋارعا پروفيلاكتيكالىق ءىس-شارا جوسپارلانىپ وتىر. 4 ايدا جوسپاردىڭ %70 ى ورىندالدى. سونىمەن قاتار، جىل باسىنان بەرى جانۋارلاردىڭ قۇتىرۋ اۋرۋى بويىنشا جەتىساي، قازىعۇرت، سوزاق، ورداباسى اۋداندارىندا 9 جاعداي تىركەلدى. سونداي-اق، جانۋار ادامعا نەمەنە جانۋارلارعا شابۋىل جاساعان جاعدايدا ونى ولتىرۋگە رۇقسات ەتىلگەن»، - دەدى عاني قۇرمانباي.

اۆتور
قايرات زاينيشەۆ