تۇركىستان وبلىسى ەكونوميكاسىنا تارتىلعان ينۆەستيتسيا كولەمى ارتتى

تۇركىستان وبلىسىندا ينۆەستيتسيا تارتۋ، يندۋستريالاندىرۋ جۇمىستارىنا باسىمدىق بەرىلىپ وتىر.

بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وبلىستىڭ الەۋمەتتىك-ەكونوميكالىق دامۋى تۋرالى ەسەپ بەرۋ بارىسىندا وبلىس اكىمى دارحان ساتىبالدى ءمالىم ەتتى، دەپ حابارلايدى Kazinform.

«بيىلعى 10 اي قورىتىندىسى بويىنشا وبلىستىڭ الەۋمەتتىك-ەكونوميكالىق دامۋىنىڭ وڭ ءوسىمى ساقتالدى. جالپى وڭىرلىك ءونىم كولەمى 3 تريلليون تەڭگەدەن استى. ال ونەركاسىپ ءونىم كولەمى ەسەپتى كەزەڭدە %2 ارتىپ، جالپى 758 ميلليارد بولدى. ايماقتا زاۋىتتار سالۋ، ينۆەستيتسيا تارتۋ جۇمىستارىنا باسىمدىق بەرىلگەن. شەتەلدىك ءىرى كومپانيالارمەن كەلىسسوزدەر تۇراقتى ءوتىپ جاتىر. تاياۋ جىلدارى وڭىردە ءىرى كاسىپورىندار جۇمىسىن باستايدى. سول باعىتتا بار كۇش-جىگەرىمىزدى سالامىز»، - دەدى دارحان ساتىبالدى.

«قازاتومونەركاسىپ» ۇ ا ك» ا ق ۋران ءوندىرۋشى كومپانيالاردىڭ سۇرانىسىنا سايكەس، سوزاق اۋدانىندا كۇكىرت قىشقىلىن وندىرەتىن زاۋىت سالۋ جوسپارلانىپ وتىر. جوبانىڭ ينۆەستيتسيالىق قۇنى - 100 ميلليارد تەڭگە. 250 جاڭا جۇمىس ورنى اشىلادى. بۇگىندە زاۋىت قۇرىلىسىنا قاجەتتى جەر ۋچاسكەسى ءبولىندى. كومپانيا تاراپىنان تەحنيكالىق-ەكونوميكالىق نەگىزدەمەسى ازىرلەنىپ جاتىر.

ءوڭىردىڭ ونەركاسىپتىك الەۋەتىن دامىتۋعا مۇمكىندىك بەرەتىن بىرنەشە ماڭىزدى جوبالاردى ىسكە اسىرۋ جوسپارلانىپ وتىر. وڭدەۋ ونەركاسىبىندە جالپى قۇنى 30,2 ميلليارد تەڭگە بولاتىن 20 جوبا ىسكە اسىرىلىپ، 594 جۇمىس ورنى اشىلادى دەپ جوسپارلانعان. بۇگىندە 384 جاڭا جۇمىس ورنىمەن جالپى قۇنى 11 ميلليارد تەڭگە 10 جوبا ىسكە قوسىلدى. بۇل باعىتتا جۇمىستار جالعاسادى. وڭىردە ءىرى جوبالاردى ىسكە اسىرۋ ەسەبىنەن وزىندىك كىرىستەردى الداعى 5 جىلدا قوسىمشا 100 ميلليارد تەڭگەگە كوبەيتۋ كوزدەلىپ وتىر. سونداي-اق وڭدەۋ ونەركاسىبىندە 20 جوبانى جۇزەگە اسىرۋ جوسپارلانسا، بۇگىنگى تاڭدا 10 جوبا ىسكە قوسىلدى (11 ميلليارد تەڭگە، 384 جۇمىس ورنى).

وبلىس ەكونوميكاسىنا تارتىلعان ينۆەستيتسيا كولەمى 1,4 ەسە ارتىپ، 751 ميلليارد تەڭگەدەن استى. تىكەلەي شەتەلدىك ينۆەستيتسيالار كولەمى 225,3 ميلليون ا ق ش دوللارىنا جەتتى. جالپى قۇنى 3,3 تريلليون تەڭگە بولاتىن 194 ينۆەستيتسيالىق جوبالاردىڭ پۋلى قالىپتاستى. ولار 2023-2026-جىلدار ارالىعىندا ىسكە قوسىلىپ، 16467 جۇمىس ورنى اشىلادى دەپ جوسپارلانىپ وتىر. بيىل 51 ينۆەستيتسيالىق جوبانى ىسكە اسىرۋ جوسپارلانىپ، جىل باسىنان 39 جوبا ىسكە قوسىلدى. 1230 جۇمىس ورنى اشىلعان.