تۇركىستان وبلىسى دەلەگاتسياسى قىتايدا ماڭىزدى كەلىسسوزدەر جۇرگىزدى
تۇركىستان. KAZINFORM - تۇركىستان وبلىسىنىڭ اكىمى دارحان ساتىبالدى باستاعان دەلەگاتسيا قىتاي حالىق رەسپۋبليكاسىنا ءىس ساپارمەن باردى.
وسىمەن ەكىنشى رەت ۇيىمداستىرىلعان جۇمىس ساپارىندا وبلىس دەلەگاتسياسى بىرنەشە پروۆينسيا مەن قالالارىنداعى الپاۋىت كومپانيالاردىڭ جۇمىسىمەن تانىستى.
باستى ماقسات - تۇركىستان وڭىرىندە جاڭا جوبالاردى جۇزەگە اسىرۋ، ينۆەستيتسيا تارتۋ، زاۋىت- فابريكالار اشىپ، حالىقتىڭ ءال-اۋقاتىن كوتەرۋ.
تۇركىستان وبلىسىنىڭ اكىمدىگى جانە قىتايداعى قازاقستان ەلشىلىگى مەن باس كونسۋلدىقتىڭ بىرلەسىپ ۇيىمداستىرۋىمەن شەنسي پروۆينتسياسىندا ءىس ساپار ۇيىمداستىرىلدى.
وبلىس اكىمى دارحان ساتىبالدى باستاعان دەلەگاتسيا مەن قازاقستان رەسپۋبليكاسىنىڭ شيان قالاسىنداعى باس كونسۋلى جوشىحان قىراۋبايەۆ شانشي پروۆينتسياسىنىڭ ۆەينان قالاسىندا ورنالاسقان «Chian Chuangshi Construction Group» كومپانياسىنا تيەسىلى «Weinan Jianguo» قوناقۇيىنە باردى.
تۇركىستاندا وسى جوبامەن بەس جۇلدىزدى قوناق ءۇي كەشەنى مەن اكۆاپارك جانە بەينەباقىلاۋ كامەرالارىن شىعاراتىن زاۋىت سالىنباق.
تۇركىستان وبلىسىنىڭ اكىمى دارحان ساتىبالدى ۆەينان قالاسى حالىق ۇكىمەتىنىڭ قالا اكىمى چەن سياويۋن، شانشي پروۆينسياسىنىڭ حالىقارالىق دوستىق قوعامى ءتوراعاسىنىڭ ورىنباسارى ساۋ حۋەيمەن كەزدەستى.
تاراپتار ءوڭىر الەۋەتىن تانىستىرىپ، ينۆەستيتسيالىق جوبالاردى ىسكە اسىرۋ بويىنشا ماسەلەلەردى تالقىلادى. تۇركىستان ءوڭىرىنىڭ شارۋالارىنىڭ ءبىلىمىن جەتىلدىرۋگە ارنالعان ۇلكەن جوبا دايىنداۋ تۋرالى كەلىسسوز جۇرگىزدى.
كەزدەسۋ قورىتىندىسىمەن تۇركىستان قالاسى مەن ۆەينان قالالارى اراسىنداعى ارىپتەستىكتى، بايلانىستى نىعايتۋ، ەكونوميكالىق قارىم-قاتىناستاردى ورناتۋ تۋرالى مەموراندۋمعا قول قويۋ ءراسىمى ءوتتى.
- پرەزيدەنتىمىز قاسىم-جومارت كەمەل ۇلى مەن قىتاي حالىق رەسپۋبليكاسىنىڭ ءتوراعاسى شي جينپيڭ مىرزا وسى كۇنگە دەيىن 7 رەت كەزدەسۋ وتكىزىلىپ، ەكىجاقتى قاتىناستى دامىتۋعا باعىتتالعان اسا ماڭىزدى قۇجاتتارعا قول قويىلعان. بۇگىنگى كەزدەسۋدىڭ ماقساتى - تۇركىستان وبلىسى مەن ۆەينان قالاسى اراسىنداعى ءوڭىرارالىق بايلانىستاردى نىعايتۋ. ءبىزدىڭ وبلىس بيزنەسكە باعىتتالعان. تۇركىستان وبلىسى ارقىلى وتەتىن «باتىس ەۋروپا - باتىس قىتاي» حالىقارالىق كولىك ءدالىزى الەمدىك نارىققا شىعۋدىڭ جاڭا مۇمكىندىكتەرىن اشادى. تۇركىستان كۇللى تۇركى الەمىنىڭ رۋحاني استاناسى رەتىندە دامۋ جولىندا. وسى باعىتتا تۋريزمدى دامىتۋعا كۇش سالىنادى. بۇل كەلىسىم وڭىرلەرىمىزدىڭ ءتۇرلى سالالاردا دامۋىنا سەرپىن بەرەتىنە سەنىم بىلدىرەمىن، - دەدى وبلىس اكىمى دارحان ساتىبالدى.
تاريحى تەرەڭ ۆەينان قالاسى جەمىس-جيدەك وسىرۋدەن ق ح ر- دا كوش باستاپ تۇر. التىن مەن كومىر ءوندىرىسى قارىشتاپ دامىعان.
ۆەينان قالاسىندا قىتايداعى ەڭ ءىرى ءجۇزىم باعى بار. مۇندا ءجۇزىمنىڭ سان الۋان ءتۇرى وسىرىلەدى.
شانشي پروۆينتسياسىنىڭ ۆەينان قالاسىنداعى جۇمىس ساپارى بارىسىندا تۇركىستان وبلىسىنىڭ دەلەگاتسياسى ايماقتاعى ءىرى ونەركاسىپ ورىندارىن ارالادى.
قىتايداعى ەڭ ءىرى ۇن وندىرەتىن كاسىپورنىندا بولدى. سونداي- اق ماقسارى مايىن وندىرەتىن كاسىپورىندى كوردى.
يندۋستريالدى ايماق جۇمىسىمەن تانىسىپ، اۋىر تەحنيكا مەن ونىڭ ونىڭ بولشەكتەرىن شىعاراتىن زاۋىتىن ارالادى. زاۋىتتا ەكسكاۆاتور، بۋلدوزەردىڭ سان الۋان ءتۇرى شىعارىلادى.
ساپار اياسىندا وبلىس اكىمى شانسي پروۆينسياسى پارتيا كوميتەتىنىڭ حاتشىسى جاۋ يدەمەن كەزدەستى.
وندا تۇركىستان وبلىسى مەن شانشي پروۆينتسياسى اراسىندا باۋىرلاستىق قارىم-قاتىناس ورناتۋ تۋرالى كەلىسىمگە قول قويىلدى.
تۇركىستان وبلىسىنىڭ دەلەگاتسياسى قىتايدىڭ شيان قالاسىندا ساۋدا- كونوميكالىق فورۋمعا قاتىستى. بيزنەس-فورۋمدا ەكى ەلدىڭ 80 نەن استام كاسىپورىن وكىلدەرى اراسىندا B2B فورماتىندا كەزدەسۋلەر وتكىزىلدى.
بەتپە-بەت جۇزدەسىپ، بيزنەس باستاۋعا ارنايى جينالعان بارلىق كاسىپكەرلەرگە العىس ايتقان دارحان امانگەلدى ۇلى ءار بيزنەس باستاۋشىمەن جەكە جۇمىس ىستەيتىنىن جەتكىزدى.
تۇركىستان وبلىسىنىڭ ينۆەستيتسيالىق الەۋەتىمەن تانىستىردى. ءبىرقاتار قۇجاتقا قول قويىلدى.
بىرلەسكەن جوبالار اراسىندا اۋىل شارۋاشىلىعىنا ىڭعايلى دروندار شىعارۋ، حالىقارالىق مەكتەپ سالۋ، IT، قۇرىلىستى دامىتۋ، مي اۋرۋىن ەمدەيتىن اۋرۋحانا اشۋ، قۇرىلىس ماتەريالدارى زاۋىتىن سالۋ، سيفرلاندىرۋ ارقىلى اۋىلشارۋاشىلىق داقىلدارىن ءوسىرۋ، تراۆەرتين ءوندىرۋ تۋرالى مەموراندۋمعا قول قويىلدى.
سونداي- اق ءوڭىر باسشىسى ميانيان قالالىق پارتيا كوميتەتىنىڭ تۇراقتى كوميتەتىنىڭ مۇشەسى جانە ۆيتسە- مەرى ۆۋ حاو باستاعان دەلەگاتسيامەن جۇزدەسىپ، ەكىجاقتى كەلىسسوزدەر جۇرگىزدى.
قۇرىلىس ماتەريالدارىن ءوندىرۋ زاۋىتىن سالۋ تۋرالى، اۋىل شارۋاشىلىعى سالاسىن، مەديتسينا، ءبىلىم، تۋريزمدى دامىتۋ بويىنشا ءبىرقاتار كەلىسىمدەر تالقىلاندى.
تۇركىستان وبلىسىندا جاڭا كوكونىس قويماسىن سالۋ جونىندە دە كەلىسسوز ءوتتى.
ءىس ساپار قىتايدىڭ وزگە وڭىرلەرىندە جالعاسىن تابادى.
