تۇركىستان «كينەس» رەكوردتار كىتابىنا ەنۋگە نيەتتى
تۇركىستان. KAZINFORM - وڭىردە 2,5 توننا ناۋرىز كوجە دايىندالادى.
بيىلعى تۋريستىك ماۋسىم «تۇركىستان — تۇركى الەمىنىڭ تۋريستىك استاناسى» تاقىرىبىندا وتەدى. بۇل شارا ءوڭىردىڭ تۋريستىك الەۋەتىن ارتتىرۋ، ينفراقۇرىلىمدى جاقسارتۋ جانە قوناقتارعا جوعارى دەڭگەيدە قىزمەت كورسەتۋ ماقساتىندا ۇيىمداستىرىلىپ وتىر.
ءىس شارالار بارىسىندا «Jana lep» شىعارماشىلىق ۇجىمى، «سامعاۋ» بي ءانسامبلى، DJ Shamil جانە وزگە دە ونەرپازدار ونەر كورسەتەدى. سونداي- اق، وت شوۋى، سيقىرشىلار قويىلىمى، بارابان شوۋى جانە پوەزيا كەشتەرى وتەدى. 2,5 توننا ناۋرىز كوجە دايىندالىپ، قازاقستاننىڭ «كينەس» رەكوردى جاڭارتىلماق. سونىمەن قاتار، ورتا ازيا ەلدەرىنىڭ تۋريزم سالاسىنداعى بيزنەس وكىلدەرى مەن قولونەرشىلەردىڭ قاتىسۋىمەن رەسپۋبليكالىق تۋريستىك فورۋمى ۇيىمداستىرىلادى.
- بيىل تۇركىستان قالاسىنا ەرەكشە مارتەبە بەرۋ تۋرالى زاڭ قابىلداندى. بۇل قۇجات — قالانىڭ حالىقارالىق دەڭگەيدەگى تۋريستىك ورتالىققا اينالۋىنا ۇلكەن مۇمكىندىك بەرەدى. جوسپارعا سايكەس، وڭىرگە كەلەتىن تۋريستەر سانىن ارتتىرىپ، تۇركىستاننىڭ مادەني جانە رۋحاني مۇراسىن كەڭىنەن ناسيحاتتايتىن بولامىز، - دەدى تۇركىستان وبلىستىق تۋريزم باسقارماسىنىڭ باسشىسى نۇرداۋلەت مەدەۋوۆ.
