تۇركىستان يسلام الەمىنىڭ مادەني استاناسى اتانادى
استانا. KAZINFORM - تۇركىستان شاھارى كەلەسى جىلى يسلام الەمىنىڭ مادەني استاناسى اتانادى. بۇل تۋرالى مەملەكەت باسشىسى قاسىم-جومارت توقايەۆ الەۋمەتتىك جەلىدە جازدى.
- يسەسكو ۇيىمىنىڭ شەشىمىمەن كيەلى تۇركىستان شاھارى كەلەسى جىلى يسلام الەمىنىڭ مادەني استاناسى اتانادى، - دەپ جازدى پرەزيدەنت.
ايتا كەتەلىك توقايەۆ تۇركى مەملەكەتتەرى ۇيىمىنىڭ 13-سامميتىندە تۇركى وركەنيەتىنىڭ مۇراسىن ساقتاۋ جونىندەگى كونۆەنتسيانى تەزدەتىپ قابىلداعان ءجون ەكەنىن ايتقان ەدى.
- قازاقستان تۇركى حالىقتارىنىڭ تاريحي مۇراسىن زەردەلەۋ، ساقتاۋ جانە دارىپتەۋ ىسىنە ايرىقشا كوڭىل بولەدى. مەن بيىل تۇركىستاندا وتكەن باسقوسۋدا تۇركى وركەنيەتى ورتالىعىن جانە دالا وركەنيەتىن دارىپتەۋگە ارنالعان «ماڭگىلىك ەل» ورتالىعىن قۇرۋدى ۇسىندىم. قازىر ءتيىستى جۇمىستار جۇرگىزىلىپ جاتىر. وسى ورايدا، تۇركى وركەنيەتىنىڭ مۇراسىن ساقتاۋ جونىندەگى كونۆەنتسيانى تەزدەتىپ قابىلداعان ءجون دەپ سانايمىز. سونىمەن قاتار ەلىمىزدە «قازاقستان تاريحى: ەجەلگى داۋىردەن بۇگىنگە دەيىن» اتتى جەتى تومدىق اۋقىمدى ەڭبەك ازىرلەنىپ جاتىر. وسى جۇمىسقا بەلسەنە قاتىسقان تۇركى ەلدەرىنىڭ عالىمدارىنا شىنايى العىس بىلدىرەمىز. اكادەميالىق ەڭبەك تاريحي وقيعالارعا عىلىمي تۇرعىدان كەڭ اۋقىمدا، شىنايى جانە ءادىل كوزقاراسپەن قاراۋعا كومەكتەسەدى، - دەدى ول.
