13:38, 01 - اقپان 2024 | GMT +5
تۇركيانىڭ سەيسميكالىق ايماعىندا بولاتتان قۇراستىرىلعان العاشقى ۇيلەر قولدانىسقا بەرىلەدى
انكارا. KAZINFORM - تۇركيانىڭ كاحرامانماراش ايماعىندا جەر سىلكىنۋىنەن زارداپ شەككەن اۋىلداردا بولات قاڭقادان سالىنعان العاشقى ۇيلەر 6-اقپاندا تاپسىرىلادى.
بۇل تۋرالى تۇركيانىڭ قورشاعان ورتا، قالا دامۋى جانە كليماتتىڭ وزگەرۋى ءمينيسترى مەحمەت وجاسەكي Instagram الەۋمەتتىك جەلىسىندەگى پاراقشاسىندا ءمالىم ەتتى. مينيستر اۋىل ۇيلەرىنىڭ سۋرەتىن جۇكتەگەن.
«بولاتتان سالىنعان اۋىل ۇيلەرىن بەرۋدىڭ ءبىرىنشى كەزەڭىن باستايمىز. سوڭعى 6 كۇن قالدى»، - دەپ جازدى ول.
وتكەن جىلى 6-اقپاندا تۇركيانىڭ وڭتۇستىك- شىعىسىنداعى گازيانتەپ پروۆينسياسىندا 6,4-6,6 ماگنيتۋدالى، كەيىن 7,4 ماگنيتۋدالى قۋاتتى جەر سىلكىنىسى بولعان ەدى.
جەراستى دۇمپۋلەرى ەلدىڭ 10 پروۆينسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا دا سەزىلدى.
