تۇركيالىق شەنەۋنىك: قازاقستان - ءبىزدىڭ اتاجۇرتىمىز

TARAZ. KAZINFORM - تاراز قالاسىندا بيىل العاش رەت «kazAgroZhambyl-2024» حالىقارالىق اۋىل شارۋاشىلىعى فورۋم- كورمەسى ءوتىپ جاتىر.

كورمەنىڭ اشىلۋ سالتاناتىندا ءسوز العان تۇركيا رەسپۋبليكاسى اۋىل شارۋاشىلىعى جانە ورمان شارۋاشىلىعى ۆيتسە-ءمينيسترى گيزليگيدەر ەبۋبەكير قازاقستاندى «اتاجۇرتىمىز» دەپ اتاپ، ءسوزىن تارازدىقتارعا تۇرىك تۋىستاردىڭ ىستىق سالەمىن جەتكىزۋمەن باستادى.

«ءتۇبى ءبىر تۇركى حالقى ءۇشىن تاريحي وتانىمىز - قازاقستانعا، تاريحتىڭ تەمىرقازىعى - تارازعا ءبىز اۋىل شارۋاشىلىعىمەن اينالىساتىن 100 ادامنان استام دەلەگاتسيامەن كەلدىك. وسىمدىك، تۇقىم، تىڭايتقىشتىڭ ءتۇر-ءتۇرىن سىزدەرگە ءوز ەلىمىزدەن كەز كەلگەن كولەمدە جەتكىزۋگە مۇمكىندىگىمىز بار.

ارينە، كەز كەلگەن ىستە كەدەرگىلەر بولاتىنى زاڭدى. بىرلەسە ەڭبەكتەنۋ ارقىلى بارلىق ماسەلەلەردى شەشىپ، تابىستى جۇمىس ىستەيمىز دەپ ويلايمىن. تەك اۋىل شارۋاشىلىعى سالاسىندا ەمەس، بىلىمدە، ساياساتتا، مادەنيەتتە دە بىرلەسكەن جۇمىستارىمىزدىڭ جالعاسارىنا سەنىمدىمىن.
ءسوزىمنىڭ سوڭىن قوجا احمەت ءياسساۋيدىڭ شاكىرتى بولعان قاجىبەك تىشبەليدىڭ «ءبىر بولامىز، تىرلىگىمىز مىقتى بولسىن» دەگەن وسيەتىمەن تۇيىندەيمىن»، - دەدى گيزليگيدەر ەبۋبەكير.