تۇركياداعى ۇڭگىر يۋنەسكونىڭ الدىن الا تىزىمىنە ەندى

استانا. KAZINFORM - تۇركياداعى باللىدجا ۇڭگىرىنىڭ جاسى شامامەن 3,5 ميلليون جىل، دەپ حابارلايدى قازاقپارات Euronews-كە سىلتەمە جاساپ.

ءبىراق كوپشىلىكتىڭ وعان دەگەن شىنايى قىزىعۋشىلىعى جاقىندا، تابيعات ەسكەرتكىشىن يۋنەسكو اتاپ وتكەننەن كەيىن وياندى.

2024 -جىلى ۇڭگىرگە 90 مىڭ ادام كەلگەن.

تۇركيانىڭ سولتۇستىگىندەگى توكات پروۆينتسياسىنداعى باللىدجا ۇڭگىرى نەمەسە بال ۇڭگىرى وسى جىلى مۇندا جاسىرىلعان عاجايىپتار - ستالاكتيتتەر مەن ستالاگميتتەردى كورۋ ءۇشىن 90 مىڭ ءتۋريستى تارتتى. ولار شامامەن 3,5 ميلليون جىل بويى كارستىق كريستالدانعان اكتاستاردان پايدا بولدى. وسى ۋاقىت ىشىندە ۇڭگىر تىك جانە كولدەنەڭ ءوستى. گەولوگيالىق تۇرعىدان ول ءالى دە بەلسەندى، ياعني دامىپ كەلەدى، عالىمدار مۇنداعى كوپتەگەن قۇدىقتار، قويمالار مەن شۇڭقىرلاردى ءالى دە زەرتتەپ كەلەدى.

ۇڭگىر 1993 -جىلى اشىلدى، ءبىر جىلدان كەيىن ەگجەي-تەگجەيلى جوسپارى قۇرىلىپ، كوپ ۇزاماي تۋريستەر كىرگىزىلە باستادى. بۇل جەردىڭ ناعىز تانىمالدىلىعى ۇڭگىر يۋنەسكو-نىڭ بۇكىلالەمدىك مۇرا نىساندارىنىڭ الدىن الا تىزىمىنە ەنگىزىلگەننەن كەيىن باستالدى. ونىڭ استىندا ەرەكشە ميكروكليمات بار، تەمپەراتۋرا 17 دەن 24 گرادۋسقا دەيىن اۋىتقيدى، ال اۋاسى وتتەگىگە باي، بۇل وكپە اۋرۋى بار ادامدارعا پايدالى.

بۇعان دەيىن پاراگۆاي استاناسىندا «بەتاشار» سالتى يۋنەسكو-نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلگەنىن جازعان بولاتىنبىز.

اۆتور

زارينا تۋعانبايەۆا