تۇركياداعى نارازىلىق: قازاقستاننىڭ تۇركياداعى ەلشىلىگى مالىمدەمە جاسادى

قازاقستاننىڭ تۇركياداعى ەلشىلىگى قازاقستاندىقتارعا دەمونستراتسيالار مەن ميتينگىلەرگە جەكە قاتىسۋدان اۋلاق بولۋدى سۇرادى.

- قالىپتاسقان جاعدايعا بايلانىستى حالىق كوپ جينالاتىن ورىندارعا بارماۋعا، شەرۋلەر مەن ميتينگىلەرگە قاتىسۋدان باس تارتۋعا، كۇشەيتىلگەن قاۋىپسىزدىك شارالارىن ساقتاۋعا، قىراعىلىق پەن ساقتىققا، جاڭالىقتاردى قاداعالاپ، بيلىكتىڭ نۇسقاۋلىقتارىن ورىنداۋعا جانە قازاقستان رەسپۋبليكاسىنىڭ تۇركياداعى ديپلوماتيالىق وكىلدىكتەرىمەن بايلانىستا بولۋعا شاقىرامىز، - دەلىنگەن ەلشىلىك حابارلاماسىندا.

ەلشىلىك الەۋمەتتىك جەلىلەردە دەمونستراتسيالار (ميتينگتەر) تۋرالى اقپاراتتى جانە اعىمداعى وقيعالارعا قاتىستى جەكە باعالار مەن پىكىرلەردى تاراتۋدان باس تارتۋعا شاقىردى.

- سونىمەن قاتار الەۋمەتتىك جەلىلەردە دەمونستراتسيالار (ميتينگتەر) تۋرالى اقپاراتتى جانە اعىمداعى وقيعالارعا قاتىستى جەكە باعالار مەن پىكىرلەردى تاراتۋدان باس تارتۋعا اسا نازار اۋدارامىز، - دەلىنگەن حابارلامادا.

قازاقستاننىڭ تۇركياداعى شەتەلدىك وكىلدىكتەرىنىڭ جەدەل جەلى تەلەفوندارى:
1. قازاقستان رەسپۋبليكاسىنىڭ انكاراداعى ەلشىلىگى: 905352734496+
2. قازاقستان رەسپۋبليكاسىنىڭ ىستانبۇلداعى باس كونسۋلدىعى: 905012621465+
3. قازاقستان رەسپۋبليكاسىنىڭ انتالياداعى باس كونسۋلدىعى: 905394400522+
4. قازاقستان رەسپۋبليكاسىنىڭ يزميردەگى باس كونسۋلدىعى: 905530998789+

ايتا كەتەلىك تۇركياداعى نارازىلىقتىڭ سايابىرسيتىن ءتۇرى جوق.

بۇعان دەيىن تۇركيا پرەزيدەنتى رەجەپ تايىپ ەردوعاننىڭ باستى ساياسي قارسىلاسى ىستانبۇل قالاسىنىڭ مەرى ەكرەم يماموگلۋ مەن ونىڭ باسپا ءسوز كەڭەسشىسى مۇرات ونگۋن ارنايى وپەراتسيا كەزىندە تۇتقىندالىپ، سوتقا بەرىلگەنىن جازعان ەدىك.

مۇنان بولەك، ەلدەگى ىشكى ساياساتتا نە بولىپ جاتقانىنا قاتىستى ماتەريال ۇسىنعان بولاتىنبىز.

تۇركيانىڭ ىشكى ساياساتىنداعى تۇراقسىزدىق ورتالىق بانككە قوسىمشا قيىندىقتار تۋدىرىپ، ەل ەكونوميكاسىنا ايتارلىقتاي كەرى اسەرىن تيگىزىپ جاتقانى تۋرالى دا جازدىق.