تۇركيادا وزبەك قىزىنا قىشقىل شاشىپ ولتىرگەن ەر ادام قاماۋعا الىندى
استانا. KAZINFORM - تۇركيانىڭ كاراحايت قالاسىنداعى قوناقۇيدە سۇيىكتىسىنىڭ ۇستىنە قىشقىل (كيسلوتا) شاشقان ەر ادام ءومىر بويىنا باس بوستاندىعىنان ايىرىلدى. بۇل تۋرالى DHA حابارلادى.
وقيعا 2022 -جىلى 9-مامىردا كاراحايت اۋدانىنداعى قوناقۇيدە بولعان. وزگۋر گيۋندەن وزبەكستاندىق قۇربىسى سوجيدا كالاندوروۆا جانە ونىڭ قۇربىسى ستامبۋلدان كەلگەن 25 جاستاعى قىرعىزستان ازاماتى سارۆينوز حايرۋللايەۆامەن بىرگە كاراحايت اۋدانىنداعى قوناقۇيگە بارعان. گيۋندەن مەن قالانداروۆانىڭ اراسىنداعى جانجال ونىڭ تەلەفونىن رۇقساتسىز تەكسەرگەندىكتەن توبەلەسكە اينالعانى انىقتالدى. سودان كەيىن گيۋندەن قوناقۇيدىڭ قابىلداۋ بولمەسىنە بارىپ، بۇرىن قالدىرعان قىشقىل تەرموسپەن بىرگە بولمەگە قايتىپ كەلگەن.
گيۋندەن تەرموستاعى قىشقىلدى توسەكتە جاتقان عاشىعى قالانداروۆانىڭ ۇستىنە قۇيىپ جىبەرگەن. وسى كەزدە ايعايلاعان داۋىستى ەستىپ، بالكوندا جاتقان ونىڭ قۇربىسى حايرۋللايەۆا دا قىشقىلدان جاراقاتتانعان. گيۋندەننىڭ ءوزى دە جاراقات الدى. وسى كەزدە ايەلدەردىڭ ايعايىمەن قوناقۇي قىزمەتكەرلەرى بولمەگە اسىققان. وزگۋر گيۋندەن قاشىپ كەتتى.
حابارلانعان بويدا وقيعا ورنىنا جاندارمەريا مەن مەديتسينالىق توپتار جىبەرىلگەن. زارداپ شەككەن قالانداروۆا مەن حايرۋللايەۆا جەدەل جاردەممەن دەنيزلي مەملەكەتتىك اۋرۋحاناسىنا جەتكىزىلدى. دەنەسىن 3-دارەجەلى كۇيىك شالعان قالانداروۆا يزميرگە جىبەرىلەدى. حايرۋللايەۆا دەنەسىنىڭ ءار جەرىنەن كۇيىك العان.
دەنيزلي ايماعىنىڭ جاندارمەريا قىلمىستىق تەرگەۋ توبى گيۋندەندى قولعا ءتۇسىردى. يزميردەگى بوزياكا وقۋ- زەرتتەۋ اۋرۋحاناسىندا ەمدەلىپ جاتقان قالانداروۆا وقيعادان كەيىن 38 كۇن وتكەندە قايتىس بولدى. ونىڭ ولىمىنە حيميالىق كۇيىكتەردىڭ اسقىنۋى سەبەپ بولعان.
دەنيزلي قالالىق 3-اۋىر قىلمىستار سوتى قابىلداعان ايىپتاۋ ۇكىمىندە وزگۋر گيۋندەن ءبىر تۇتقىندى قاساقانا جارالاپ ولتىرگەنى ءۇشىن 16 جىلعا، باسقا جاراقاتتار ءۇشىن 3 جىلعا دەيىن، جالپى 19 جىلعا باس بوستاندىعىنان ايىرىلدى.
سوت وتىرىسىندا تاعى ءبىر جابىرلەنۋشى سارۆينوز حايرۋللايەۆاعا قاتىستى قوزعالعان قىلمىستىق ءىس بويىنشا ماتەريالدار بولەك قارالدى.
- سوجيدامەن ارازدىعىمىز بولعان جوق، وقيعادان ەكى اپتا بۇرىن مەن ستامبۋلعا بىرگە تۇرۋعا باردىم. ونىمەن ءۇي جالداعان سوڭ ەكى اپتادان كەيىن تەلەفون ارقىلى قاتتى ۇرىسىپ قالدىق. سونداي- اق مەن ءولتىرۋ نيەتىمەن ارەكەت ەتكەن جوقپىن. مەن قاتتى وكىنەمىن،- دەدى گيۋندەن.
سوت وزگۋر گيۋندەندى «قاساقانا كىسى ءولتىرۋ» قىلمىسى ءۇشىن ءومىر بويىنا باس بوستاندىعىنان ايىرۋ جازاسىنا كەستى.
