تۇركيادا پرەزيدەنتتىك سايلاۋ قاشان وتەتىنى بەلگىلى بولدى

استانا. KAZINFORM - تۇركيا پرەزيدەنتى رەجەپ تايىپ ەردوعان مەرزىمىنەن بۇرىن پرەزيدەنتتىك جانە پارلامەنتتىك سايلاۋ وتكىزۋ جوسپارلانباعانىن ايتتى، دەپ حابارلايدى Kazinform ت ا س س- قا سىلتەمە جاساپ.

ونىڭ سوزىنە سۇيەنسەك، كونستيتۋتسيادا كوزدەلگەندەي، سايلاۋ 2028-جىلى وتەدى. ەردوعان وپپوزيتسيا جەتەكشىسى وزگۋر وزەلدىڭ داۋىس بەرۋدى مەرزىمىنەن بۇرىن وتكىزۋ تۋرالى ۇندەۋىنە وسىلاي جاۋاپ بەردى.

- مەن ونى (وزەل – ت ا س س جازباسى) تاعى دا ەسكە سالامىن. كونستيتۋتسيا مەن سايلاۋ تۋرالى زاڭ وزگەرمەگەندىكتەن، 2028-جىلى پرەزيدەنتتىك جانە پارلامەنتتىك سايلاۋلار، 2029-جىلى مۋنيتسيپالدىق سايلاۋلار وتەدى. وزەل مىرزا، ءسىزدىڭ جەكە كوزقاراسىڭىز بولۋى مۇمكىن جانە كۇنتىزبەدەگى كەز كەلگەن جەكسەنبىدە ساۋساعىڭىزدى كورسەتىپ، سايلاۋ سول كەزدە ءوتۋى كەرەك دەپ ايتا الاسىز. ءبىراق بيلىك پەن حالىقتىڭ مۇنداي كۇن ءتارتىبى جوق، - دەدى ەردوعان پارلامەنتتە سويلەگەن سوزىندە.

بۇعان دەيىن ەردوعان تۇركيا وپپوزيتسياسىنىڭ جەتەكشىسىن سوتقا بەرگەنىن حابارلاعان ەدىك.