تۇركيادا قوناق ۇيدەگى ورتتە ءبىر وتباسىنان 14 ادام قازا تاپتى: ەردوعان كوڭىل ايتتى

استانا. KAZINFORM — تۇركيا پرەزيدەنتى رەجەپ تايىپ ەردوعان بولۋ قالاسىنداعى كارتالكايا تاۋ-شاڭعىسى كۋرورتىندا ورتتەن قازا تاپقان گيۋلتەكين وتباسىن جەرلەۋ راسىمىنە قاتىستى، دەپ حابارلايدى Kazinform مەنشىكتى ءتىلشىسى.

14 человек из одной семьи погибли в пожаре в отеле в Турции: Эрдоган выразил соболезнования
Фото: www.yenisafak.com

ءراسىم بولۋ ورتالىق مەشىتىندە ءوتتى. ەردوعان قايعىلارىنا ورتاقتاسىپ، قازا بولعان مارقۇمدار ءۇشىن دۇعا جاسادى.

— اللا تاعالا ولارعا مەيىرىمدىلىك تانىتسا ەكەن دەپ دۇعا ەتەمىن. ولاردىڭ رۋحتارى شەيىتتەردىڭ رۋحىمەن بىرلىكتە بولادى دەپ سەنەمىن. جۇرەگىمىز بوس، قايعىمىز ۇلكەن. جاتقان جەرى ءجانناتتا بولسىن، — دەدى ەردوعان.

14 человек из одной семьи погибли в пожаре в отеле в Турции: Эрдоган выразил соболезнования
Фото: www.yenisafak.com

قايعىلى وقيعا تۇندە 12 قاباتتى قوناق ۇيدە بولعان. ول كەزدە عيماراتتا 238 ادام بولعان ەدى. وقيعا سالدارىنان 76 ادام قازا تاۋىپ، 51 ادام ءتۇرلى دارەجەدەگى جاراقاتتارمەن اۋرۋحاناعا جەتكىزىلدى.

قازا تاپقاندار اراسىندا تۇرىك اۋە جەلىلەرىنىڭ قىزمەتكەرى زەحرا سەنا گيۋلتەكين، ونىڭ كۇيەۋى، ءۇش بالاسى جانە كارتالكاياعا قىسقى دەمالىسقا كەلگەن تاعى توعىز تۋىسى بار.

بەلگىلى بولعانداي، ءورت كەزىندە زەحرا سەنا اناسىنا حابارلاسىپ، كەشىرىم مەن باتا سۇراپ ۇلگەرگەن. وتباسى ورتكە ورانعان عيماراتتان شىعا المادى.

وقيعاعا بايلانىستى تەرگەۋ امالدارى ءجۇرىپ جاتىر. قايعىلى وقيعانىڭ سەبەپتەرى مەن ءمان-جايىن انىقتاۋ ءۇشىن توعىز ادام ۇستالدى، ولاردىڭ اراسىندا قوناق ءۇي قىزمەتكەرلەرى بار.

بۇل قايعىلى وقيعا بۇكىل تۇركيانى جانە باسقا ەلدەردە قايعى مەن كوڭىل تولقىنىن تۋدىردى. تۇركيا پرەزيدەنتى ءتىپتى قازا تاپقاندارمەن قوشتاسۋ راسىمىندە جىلاپ جىبەردى.

14 человек из одной семьи погибли в пожаре в отеле в Турции: Эрдоган выразил соболезнования
Фото: www.yenisafak.com

ەسكە سالساق، مەملەكەت باسشىسى تۇركيا پرەزيدەنتىنە كوڭىل ايتۋ جەدەلحاتىن جولدادى.

سونىمەن قاتار، مەملەكەت باسشىسى قازاقستان حالقىنىڭ جانە ءوزىنىڭ اتىنان تۇركيا پرەزيدەنتى رەجەپ تايىپ ەردوعان مەن جاقىندارىنان ايىرىلعان وتباسىلارعا، سونداي-اق باۋىرلاس تۇرىك حالقىنا كوڭىل ايتىپ، زارداپ شەككەندەردىڭ تەز ارادا ساۋىعىپ كەتۋىنە تىلەكتەستىك ءبىلدىردى.

سوڭعى جاڭالىقتار