تۇركيادا قازاقستاندىق ايەلدى كولىك قاعىپ ءولتىردى

تۇركيادا جول اپاتىنان قازاقستاندىق ايەل قازا تاپتى. بۇل تۋرالى ونىڭ تۋىستارى حابارلاعان.

13- قازاندا الانيا قالاسىندا جول اپاتى سالدارىنان 38 جاستاعى قازاقستاندىق ايەل قايتىس بولدى.

وقيعا تۋرالى سونداعى پابليكتەر دە حابارلاپ ۇلگەردى.

مارقۇمنىڭ اعاسى باعدات قۇلماعامبەتوۆتىڭ ايتۋىنشا، جول اپاتى وسى جىلى 3- قىركۇيەكتە جۋرناليست پەن ونىڭ قىزى قازا تاپقان جولدا بولعان.

«جۇما كۇنى، 13- قازاندا ءبىز قارىنداسىمىز ءاليا قۇلماعامبەتوۆادان ايىرىلدىق. ول نەبارى 38 جاستا ەدى. ونىڭ بار ءومىرى الدا ەدى جانە كوپ جوسپارى بار ەدى. ونى الانيادا (تۇركيا)، D 400 تاس جولىندا كولىك سوعىپ كەتتى. پوليتسيانىڭ مالىمەتىنشە، ول باعدارشامنىڭ جاسىل ءتۇسى جانعان كەزدە ءوتىپ بارا جاتقان. سونىمەن قاتار، جول تورمەن قورشالعان. قازىر تەرگەۋ امالدارى جۇرگىزىلىپ جاتىر»، - دەدى قۇلماعامبەتوۆ.

مارقۇمنىڭ تۋىستارى ءاليانىڭ جولدى دۇرىس جەردەن كەسىپ وتكەنىنە ەش كۇماندانبايدى، ويتكەنى ول وتە ءاردايىم ەرەجەنى ساقتاپ جۇرەدى ەكەن.

اعاسىنىڭ ايتۋىنشا، پوليتسەيلەر جۇرگىزۋشىنىڭ جاس قىز ەكەنىن، ونى وقيعانىڭ ءمان-جايى انىقتالعانشا ۇيىنە جىبەرگەنىن ايتقان.

الايدا، ءتارتىپ ساقشىلارىنىڭ ايتۋىنشا، مۇنداي جاعدايدا تۇرىك ازاماتتارى شامامەن 25 مىڭ ليرا ايىپپۇلمەن قۇتىلادى ەكەن، ال بۇل مىڭ دوللاردان دا از.

«وقيعادان ءبىر اپتا بۇرىن ءبىز وعان باردىق، ءاليا حالىقارالىق كومپانيادا قاشىقتان جۇمىس ىستەدى جانە 25 ءى كۇنى قازاقستانعا ورالۋى كەرەك ەدى.

«ءاليا ازاماتتىق ۇستانىمىن اشىق ايتاتىن، وقۋدا وزات بولدى، اقىلدى، ومىرگە قۇشتار. ول ۆولونتەر بولدى، مەكتەپتە پسيحولوگ بولىپ جۇمىس ىستەدى، قارتتارعا كومەكتەستى»، - دەيدى قىزداردىڭ تۋىستارى.

اعاسى باعدات قۇلماعامبەتوۆتىڭ ايتۋىنشا، اپات بولعان جەر «اجال قۇشتىراتىن جول» دەپ اتالىپ كەتكەن. مۇندا كۇن سايىن ادام ولەدى، ويتكەنى جول جاعالاۋ بويىمەن وتەدى جانە تەڭىزگە جەتۋ ءۇشىن ونى كەسىپ ءوتۋ كەرەك.

بۇگىن كەشكە مارقۇمنىڭ دەنەسىن قازاقستانعا جەتكىزەدى. ەرتەڭ ءاليانىڭ تۋىستارى ونىڭ جەرلەۋ ءراسىمىن وتكىزەدى.

Tengrinews.kz