تۇركيادا ارا تەراپياسىنا سۇرانىس ارتتى

 تۇركيادا ارا تەراپياسىنا سۇرانىس ارتتى. جەرگىلىكتى مەديتسينالىق ورتالىقتاردىڭ مالىمەتى بويىنشا، سوڭعى ءبىر جىلدا بۇل ادىسپەن ءجۇز مىڭداعان ادام ەم العان.

ناۋقاستار سانى اسىرەسە ناۋرىز بەن مامىر ارالىعىندا كوبەيەدى. سەبەبى وسى ۋاقىتتا بال اراسىنىڭ پايداسى كوپ ەكەن. تۇرعىندار بال مەن ارا جەلىمىنە قانىعىپ، ەرەكشە ەمدىك قاسيەتكە يە بولادى. ناۋقاستار ارنايى ماسكا ارقىلى بۋىمەن كۇنىنە 1 ساعات دەم السا، يممۋنيتەتتى كۇشەيتىپ، تىنىس الۋ جولدارىنىڭ جۇمىسىن جاقسارتادى. سونداي-اق اللەرگياعا بىردەن ءبىر ەم. اعزاعا جاقسى اسەر ەتۋى ءۇشىن 7 كۇنگە دەيىن ەم العان ءجون، دەيدى ماماندار. تۇركيادا ارا تەراپياسىنىڭ ءبىر كۇندىك ەمى 130 دوللار تۇرادى.

تەنزيلە كىلىچ، جەرگىلىكتى تۇرعىن:

- حيميالىق جولمەن جاسالعان كەز كەلگەن ءدارى ءبىر جاعىنان ادامدى ەمدەسە، ەكىنشى جاعىنان مىندەتتى تۇردە باسقا ءبىر مۇشەسىنە كەرى اسەر ەتەدى. ارا تەراپياسىنىڭ ادام ازعاسىنا تيگىزەر شيپاسى مول.

https://24.kz