تۇركيادا العاشقى كۆانتتى كومپيۋتەر تانىستىرىلدى
استانا. KAZINFORM - تۇركيانىڭ TOBB ەكونوميكا جانە تەحنولوگيا ۋنيۆەرسيتەتى (TOBB ETـ) تۇركياداعى 5 كۋبيتتى العاشقى كۆانتتىق كومپيۋتەردى تانىستىرىپ، عىلىمي-تەحنيكالىق جاڭالىق جاسادى.
كۆانتتىق كومپيۋتەر - اقپاراتتى وڭدەۋ ءۇشىن كۆانتتىق فيزيكا زاڭدارىن قولداناتىن قۇرىلعى.
بيتتەرمەن (0 جانە 1) جۇمىس ىستەيتىن كادىمگى كومپيۋتەرلەردەن ايىرماشىلىعى، كۆانتتىق كومپيۋتەر ءبىر ۋاقىتتا 0 جانە 1 بولۋى مۇمكىن كۋبيتتەردى پايدالانادى، بۇل كلاسسيكالىق كومپيۋتەرلەرگە قاراعاندا كۇردەلى ەسەپتەردى تەزىرەك شەشۋگە مۇمكىندىك بەرەدى. ءداستۇرلى كومپيۋتەرلەر مىڭداعان جىلدارعا سوزىلاتىن بولسا، كۆانتتىق كومپيۋتەر بىرنەشە سەكۋندتى الادى.
تۇركيانىڭ 5-كۋبيتتىك كۆانتتىق كومپيۋتەرلىك جۇيەسى ءالى دە دامۋدىڭ باستاپقى ساتىسىندا، ءبىراق قازىردىڭ وزىندە وڭتايلاندىرۋ، كريپتوگرافيا، مولەكۋلالىق مودەلدەۋ جانە جاساندى ينتەللەكت سياقتى سالالاردا ايتارلىقتاي جاڭالىققا جەتتى.
TOBB ETـ ۋنيۆەرسيتەتى ولاردىڭ ماقساتىنىڭ مەديتسينا، ەنەرگەتيكا جانە قارجى سياقتى ناقتى سەكتورعا كۆانتتىق تەحنولوگيالاردى ەنگىزۋ ءۇشىن جاعداي جاساۋ ەكەنىن ايتتى. بۇل دامۋ مەملەكەتتىك عىلىمي باعدارلامالاردىڭ قولداۋى مەن حالىقارالىق ساراپشىلارمەن ىنتىماقتاستىقتىڭ ارقاسىندا مۇمكىن بولدى.
كۆانتتىق كومپيۋتەر مەملەكەتتىڭ ەكونوميكاسىندا وتە پايدالى. مىسالى، اتوم ونەركاسىبىندە ونى يادرولىق رەاكتسيالاردى ءدال مودەلدەۋ، ەسەپتەۋلەردى جىلدامداتۋ، رەاكتوردىڭ جۇمىسىن وڭتايلاندىرۋ جانە جاڭا ماتەريالداردى ازىرلەۋ، سالانىڭ تيىمدىلىگى مەن قاۋىپسىزدىگىن ارتتىرۋ ءۇشىن پايدالانۋعا بولادى.
ب ۇ ۇ- نىڭ كليماتتىڭ وزگەرۋى جونىندەگى نەگىزدەمەلىك كونۆەنتسياسىنىڭ تاراپتاردىڭ 29-كونفەرەنسياسى (COP29) اياسىندا باكۋدە وتكەن دۇنيەجۇزىلىك كليمات ارەكەتى سامميتىندە تۇركيا يادرولىق ەنەرگيانى ءۇش ەسە ۇلعايتۋ باستاماسىنا قول قويعانىن بۇعان دەيىن جازعان بولاتىنبىز.
